Preasráitis
Fógraíonn an tAire McConalogue Aisíocaíocht €15.6 milliún ón Scéim Íocaíochta Bunúsach do 95,000 feirmeoir.
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Inniu, d'fhógair an tAire Talmhaíochta, Bia agus Mara, Charlie McConalogue, gur tosaíodh íocaíochtaí ar fhiú €15.6 milliún go thart ar 95,000 feirmeoir.
Tá an t-airgead seo, ar baineadh ó íocaíochtaí na Scéime Íocaíochta Bunúsaí (BPS) 2021 ar aon líne le rialacháin AE faoin gcóras um Smacht Airgeadais, á thabhairt ar ais d'fheirmeoirí.
Dúirt an tAire McConalogue:
"Is díol sásaimh dom a dheimhniú go bhfuil na híocaíochtaí seo á thabhairt ar ais d'fheirmeoirí incháilithe faoi láthair. Mar thoradh ar na híocaíochtaí seo, beidh níos mó ná €1.18 billiún san iomlán íoctha d'fheirmeoirí Éireannacha faoi Scéim na hÍocaíochta Bunúsaí 2021."
Nótaí don eagarthóir
Tá an córas um dhisciplín airgeadais mar chuid de nós imeachta buiséadach bliantúil an Aontais Eorpaigh.
Is é atá i gceist leis an gcóras um smacht airgeadais ná asbhaint airgeadaíochta (1.65% do laghdú 2021) ó roinnt íocaíochtaí díreacha chun Cúlchiste airgeadais Géarchéime a sholáthar don Aontas Eorpach.
Tá sé mar aidhm ag an gCúlchiste Géarchéime tacaíocht sa bhreis a chur ar fáil don earnáil talmhaíochta maidir le géarchéimeanna ollmhóra a bhíonn tionchar acu ar táirgeacht nó dáileadh talmhaíochta.
Mura bhfuil tús curtha leis an gCúlchiste Géarchéime sa bhliain airgeadais, nó mura bhfuil sé go hiomlán in úsáid, tugtar an t-iarmhéid nár úsáideadh ar ais d'fheirmeoirí an bhliain airgeadais ina dhiaidh sin.