Preasráitis
24 tionscadal le maoiniú faoin nGlao ar Mhaoiniú do Sheirbhísí Pobail LADTI+ 2024
Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
D’fhógair an Roinn Leanaí, Comhionannais, Míchumais, Lánpháirtíochta agus Óige inniu na 24 tionscadal LADTI+ atá chun maoiniú a fháil faoin nGlaoch ar Mhaoiniú do Sheirbhísí Pobail LADTI+ 2024 agus faoin gCiste Óige LADTI+ 2024. Tríd an maoiniú seo, cuirfear iomlán de €1,398,916 ar fáil chun tacú le heagraíochtaí ar fud na hÉireann chun cabhrú le forbairt bhonneagar pobail tuaithe le bheith cuimsitheach agus fáilteach roimh dhaoine LADTI+, aghaidh a thabhairt ar bhearnaí i seirbhísí LADTI+, tacú le heagraíochtaí pobail LADTI+ atá ann cheana féin agus le tionscnaimh a thacaíonn le daoine óga LADTI+.
Soláthraíonn an Straitéis Náisiúnta LADTI+ 2019-2021 maidir le Cuimsiú a ghlac an Rialtas agus a seoladh i mí na Samhna 2019, creat uile-Rialtais chun saincheisteanna a shainaithint agus aghaidh a thabhairt orthu a d’fhéadfadh srian a chur ar dhaoine LADTI+ taitneamh a bhaint as comhionannas iomlán iarbhír i sochaí na hÉireann. Tá an Straitéis bunaithe ar cheithre cholún théamacha a sholáthraíonn fís d’Éirinn ina bhfuil baill den phobal LADTI+ sofheicthe agus cuimsithe, ina gcaitear go cothrom, go sláintiúil, go sábháilte leo agus lena dtacaítear leo. Tá infheictheacht dhearfach agus ionadaíocht mhéadaithe neamh-steiritíopach ar fhéiniúlachtaí LADTI+ ríthábhachtach chun tacú le hathrú fadtéarmach ar dhearcadh.
Tá ról tábhachtach ag Glao ar Mhaoiniú Seirbhísí Pobail LADTI+ 2024 agus ag an gCiste Óige LADTI+ maidir le cuspóir foriomlán na Straitéise Náisiúnta um Chuimsiú LADTI+ a bhaint amach. Tá sé mar aidhm ag tionscadail rathúla cuimsiú a chur chun cinn, cearta a chosaint agus cáilíocht na beatha agus na folláine a fheabhsú do dhaoine LADTI+ in Éirinn.
Bhí an Glao ar Mhaoiniú Seirbhísí Pobail LADTI+ 2024 ar thograí ag reáchtáil ó 28 Meitheamh 2024 – 31 Iúil 2024. In 2024, cuireadh €998,915.68 ar fáil chun tacú le 15 tionscadal LADTI+ le maoiniú deontais €25,000 - €100,000 in aghaidh gach tionscadal Scéim A ar éirigh leo agus €5,000 - €10,000 in aghaidh gach tionscadal Scéim B ar éirigh leo.
Tionscadail Scéim A ar éirigh leo.
| Ainm na heagraíochta | Ainm an Tionscadail | Deontas a Bronnadh | Scóip Geografach |
| AMACH! LADT Gaillimh CLG | COMHIONANNAS: Pobal LADTI+ na Gaillimhe ag déanamh dul chun cinn le Comhionannas | €100,000 | Gaillimh, Maigh Eo agus Ros Comáin |
| Seirbhísí Óige Belong To | Marc Cáilíochta LADTA+ d’Iar-Bhunscoileanna agus d’Ionaid Mhalartacha Oideachais | €100,000 | Ar fud na tíre |
| Tionscadal Aerach CLG | Bogha Báistí a Dhaingniú: Tionscadal Feabhsaithe Seirbhíse Tionscadal Aerach | €100,000 | Corcaigh agus Ciarraí |
| GOSHH Éireann CLG | Tionscadal Forbartha Pobail 2024/2025 | €100,000 | An Clár, Luimneach agus Tiobraid Árann |
| Líonra Tacaíochta agus Abhcóideachta LADT Éireann CLG | Seirbhísí náisiúnta LADTI+ a sheachadadh agus a leathnú do chách | €99,775 | Ar fud na tíre |
| Seirbhísí Óige Laoise CLG ag trádáil mar Obair d’Ógra Éireann Laoise | Tionscadal LADT+ Lár na Tíre | €88,452 | Cill Dara, Laoise, Uíbh Fhailí agus an Iarmhí |
| Outcomers Ltd | Operation Rainbow | €91,558 | An Cabhán, an Lú, an Mhí agus Muineachán |
| Outhouse Limited | Seirbhís Tacaíochta LADTA+ (Céim II) | €99,629.34 | Baile Átha Cliath |
| ShoutOut | LADTI+ Cuimsiú tríd an Oideachas - Scéalaíocht chun Athraithe | €88,639.24 | Ar fud na tíre |
| Líonra na hÉireann um Chomhionannas Trasinscne | Cuimsiú Tras - Clár Spóirt do Chách | €85,624.77 | Ar fud na tíre |
Tionscadail Scéim B ar éirigh leo.
| Ainm na heagraíochta | Ainm an Tionscadail | Deontas Bronnta | Scóip Geografach |
| Tacaíocht Uathachais Dóchas an Mheán-Iarthair | Tionscadal Feasachta agus Tuisceana Dóchas LADTI+ | €8,600 | An Clár, Luimneach, Tiobraid Árann |
| Líonra Sláinte Aerach (GHN) | Anailís ar riachtanais d’Ábhar Faisnéise ar Shláinte agus Fholláine Ghnéis d’Iarrthóirí Tearmainn agus Dídeanaithe Nua-Sroichte | €10,000 | Ar fud na tíre |
| Féile Scannán GAZE Teo | Pictiúrlann Uilechuimsitheach ag Féile Scannán GAZE LADTAIÉ+ | €10,000 | Baile Átha Cliath |
| Comhaontas na hÉireann maidir le Oibrithe Gnéis | Oiliúint Feasachta d’Oibrithe Gnéis (SWAT) do Sheirbhísí LADTAI+ | €9,387 | Ar fud na tíre |
| Sláinte Ghnéis Thiar | Cothú Sláinte Gnéis do LADTAIÉ Gaillimh | €7,250 | Gaillimh, Maigh Eo, Ros Comáin agus Sligeach |
I mbliana tá an ciste sonrach á fheidhmiú ag an Roinn chun tacú le tionscnaimh ag leibhéal pobail, réigiúnach agus náisiúnta a dhéanann difríocht chun a chinntiú go bhfuil daoine óga LADTI+ sofheicthe, cuimsithe, go gcaitear go cothrom leo, sláintiúil agus sábháilte ina bpobail. Is beart aonuaire é an ciste agus tá sé beartaithe go gcomhlánóidh sé an Ciste Seirbhísí Pobail LADTI+ atá á fheidhmiú ag an Roinn. Is é cuspóir an chiste tacú le tionscnaimh a dhéanann difríocht, lena n-áirítear trí:
Tionscadail Rathúla.
| Ainm na heagraíochta | Ainm an Tionscadail | Deontas Bronnta |
| Seirbhís Óige Réigiúnach Swan | Tionscadal Cuimsithe agus Infheictheachta SWAN LADTI+ | €21,052 |
| Obair d’Ógra Éireann | Rochtain agus Ionchuimsiú Daoine Óga LADTAI+ ar an Imeall i Seirbhísí Óige | €42,840 |
| Ionad Acmhainní Óige Fhionnghlaise | Tionscadal Abhcóideachta OUT (Opening Up Together) | €75,000 |
| YMCA Baile Átha Cliath | True Colours | €38,872 |
| Cónaidhm Óige Réigiúnach na Gaillimhe ag trádáil mar Obair d’Ógra Éireann, Gaillimh | Oibrí Abhcóideachta agus Sláinte leis an shOUT! Tionscadal Óige LADTI+ | €52,632 |
| Cuideachta Amharclannaíochta Crooked House | Tionscadal Indigo | €36,235 |
| Cónaidhm Óige na Mí ag trádáil mar YWI na Mí | LADTI+ na Mí Óige le chéile | €44,005 |
| Foróige | Clár Ceannaireachta LADTI+ | €49,430 |
| Seirbhísí Óige Réigiúnacha Thiobraid Árann ag trádáil mar Obair d’Ógra Éireann, Tiobraid Árann | Tionscadal Óige Bogha Báistí 2024-2025 | €39,934 |
| Iomlán | €400,000 |