Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Tá sé fógartha ag an Aire Turasóireachta, Cultúir, Ealaíon, Gaeltachta, Spóirt agus Meán, Catherine Martin T.D. inniu go bhfuil maoiniú €1 mhilliún ceadaithe ar mhaithe le dhá Institiúid Náisiúnta Cultúir, Áras Nua-Ealaíne na hÉireann agus Gailearaí Crawford. Tabharfar tacaíocht leis an maoiniú seo le saothair ealaíne a fháil agus tacú le healaíontóirí na hÉireann sa tráth deacair agus dúshlánach seo.
Coinnítear an Bailiúchán Náisiúnta nua-ealaíne agus ealaíne comhaimseartha in Áras Nua-Ealaíne na hÉireann.
Is do na hamharc-ealaíona, stairiúil agus comhaimseartha araon, amháin Gailearaí Crawford.
Leis an maoiniú breise €600,000 seo d'Áras Nua-Ealaíne na hÉireann agus €400,000 do Ghailearaí Crawford beidh an dá iarsmalann ábalta cur leis an mBailiúchán Náisiúnta trí shaothar a fháil ó ealaíontóirí na hÉireann, a dteastaíonn tacaíocht ríthábhacht uathu ag an tráth seo.
Dúirt an tAire Martin:
“Tá ríméad orm a bheith ábalta an maoiniú suntasach seo don dá Institiúid Náisiúnta Cultúir, Gailearaí Crawford agus Áras Nua-Ealaíne na hÉireann, a fhógairt. Is cuid lárnach dár bhféiniúlacht na healaíona agus an cultúr. Ábhar tacaíochta a bhí sna healaíona agus sa chultúr le cúpla mí anuas. Táim sásta a bheith ábalta an leithdháileadh seo a dhéanamh chun cur leis an mbailiúchán náisiúnta. Trí sin a dhéanamh, cuirfear tacaíocht ríthábhachtach ar fáil d'ealaíontóirí na hÉireann le linn na tréimhse seo, tréimhse nach bhfacthas riamh cheana.”