Ráiteas ón bhFoireann Náisiúnta Éigeandála Sláinte Poiblí - Dé Céadaoin, an 4 Márta 2020
Foilsithe
An t-eolas is déanaí
Foilsithe
An t-eolas is déanaí
Tugadh fógra don Ionad Faireachais um Chosaint Sláinte tráthnóna inniu faoi cheithre chás dheimhnithe nua de COVID-19 (Coróinvíreas) in Éirinn.
Is le taisteal ón aon limistéar amháin i dtuaisceart na hIodáile atá thíos leis an víreas a bhaineann na cásanna uile.
Is iad beirt fhear agus beirt bhan ón gcuid thiar den tír atá i gceist.
Dúirt an Dr Tony Holohan, Príomhoifigeach Míochaine sa Roinn Sláinte:
"Is féidir linn a dheimhniú anocht go bhfuil sé chás de COVID-19 ann in Éirinn anois. Tá rianú teagmhála á dhéanamh i leith na gceithre chás nua sin."
Dúirt an Dr Ronan Glynn, Leas-Phríomhoifigeach Míochaine sa Roinn Sláinte;
"Níl aon fhianaise ann go fóill ar tharchur pobail forleathan nó marthanach an víris in Éirinn, mar a chonacthas cheana féin i roinnt tíortha eile den Aontas Eorpach.
"Cé go bhfuil sé chás dheimhnithe de COVID-19 againn in Éirinn anois, leanfaimid ar aghaidh lenár mbearta srianta. Gné lárnach de na bearta sin is ea a chinntiú gurb eol do dhaoine den phobal cad ba cheart dóibh a dhéanamh i gcás go bhfuil siomptóim orthu."
Leatar COVID-19 trí dhlúth-theagmháil leis na sreabháin choirp ó dhuine ionfhabhtaithe (mar shampla, braonáin ó chasacht nó sraoth a dhéanamh). Leatar é freisin trí dhromchlaí a ndearna duine ionfhabhtaithe casacht nó sraoth orthu a thadhall. Tá sé sin ar cheann amháin de na cúiseanna a bhfuil sé ríthábhachtach go nífeadh daoine a lámha go rialta, go gcloífeadh siad le dea-bhéasa riospráide agus go ndéanfadh siad iarracht gan a n-aghaidh a thadhall.
Moltar do dhaoine den phobal cloí le comhairle ó Fheidhmeannacht na Seirbhíse Sláinte [nasc seachtrach: www.hse.ie] agus ón Ionad Faireachais um Chosaint Sláinte [nasc seachtrach: https://www.hpsc.ie/a-z/respiratory/coronavirus/novelcoronavirus/] chun a sláinte féin a chosaint.
Aon duine a thaistil ó limistéar atá thíos leis an víreas sna 14 lá seo a chuaigh thart nó a bhí i ndlúth-theagmháil le cás deimhnithe sna 14 lá seo a chuaigh thart AGUS a bhfuil imní air/uirthi go bhfuil siomptóim COVID-19 (Coróinvíreas) air/uirthi, ba cheart dó/di é/í féin a leithlisiú ó dhaoine eile agus glao a chur ar a lia-chleachtóir ginearálta lom láithreach.
CRÍOCH
D’fhorbair an Roinn Sláinte póstaeir chomhairle sláinte poiblí atá ar fáil do dhaoine den phobal le híoslódáil agus le cur ar taispeáint ina n-áitreabh.
Tagann na háiteanna seo a leanas faoin sainiú cáis ón bhFoireann Náisiúnta Éigeandála Sláinte Poiblí: an tSeapáin, Singeapór, Hong Cong, an Chóiré Theas, an Iaráin, ceithre réigiún i dtuaisceart na hIodáile (an Lombaird, Veneto, Emilia-Romagna agus Píodmant) agus mórthír na Síne.
Is féidir go rachaidh suas le 14 lá thart sula mbeidh siomptóim COVID-19 (Coróinvíreas) le brath.
Is féidir go n-áireofar iad seo a leanas leis na siomptóim sin:
Is féidir le COVID-19 (Coróinvíreas) a bheith ina chúis le tinnis níos troime freisin, lena n-áirítear iad seo a leanas:
Áirítear iad seo a leanas leis na nithe is féidir leat a dhéanamh chun tú féin a chosaint ar COVID-19 (Coróinvíreas):
Nigh do lámha i gceart agus go rialta le gallúnach agus uisce nó le glóthach láimhe alcólbhunaithe: