“Is mian liom mo bhrón ó chroí a chur in iúl faoin gcúigear a maraíodh ar bhóithre na hÉireann le laethanta beaga anuas. Déanaim comhbhrón lena dteaghlaigh, lena gcairde agus lena bpobail. Is uafásach an chailliúint í seo dóibh.
"113 duine atá maraithe ar bhóithre na hÉireann anois go dtí seo i mbliana - sin ardú 16 duine i gcomparáid leis an tréimhse chéanna anuraidh.
"Tá dul chun cinn mór againn mar thír chun an líon daoine a maraítear ar bhóithre na hÉireann a laghdú le blianta beaga anuas. Ach tá an dul chun cinn sin i mbaol. Ní staitisticí iad seo, is daoine iad atá básaithe agus is teaghlaigh iad atá fágtha i ndroch-chaoi.
"Is am cinniúnach é seo dúinn. Ní mór dúinn céimeanna a ghlacadh - muid féin mar dhaoine aonair, mar phobail agus mar thír - an treocht seo a iompú droim ar ais agus stop a chur lena thuilleadh daoine a bheith á marú ar na bóithre.
"Déanfaidh an Rialtas a chuid féin agus glacfar na céimeanna is gá, ach tá cúnamh gach aon tiománaí ar fud na tíre ag teastáil uainn.
"Le deireadh seachtaine Saoire Bainc mhí Lúnasa ag teannadh linn, táim ag impí ar dhaoine moilliú ar an luas, an fón a leagan uathu agus gan aon deoch a ól ná drugaí a thógáil sula suíonn siad isteach sa charr.
"Is féidir beatha daoine a shábháil trí na céimeanna simplí ach tábhachtacha seo a ghlacadh chun a chéile a choinneáil slán.”
CRÍOCH