Preasráitis
Molann an tAire McConalogue go gcuirfí an Beart Corpraithe Cocháin do 2024 ar fionraí
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
D'fhógair an tAire Talmhaíochta, Bia agus Mara, Charlie McConalogue TD, inniu go bhfuil sé i gceist aige iarratas a dhéanamh ar an gCoimisiún Eorpach leis an Beart Corpraithe Cocháin (SIM) 2024 a chur ar athlá.
Ag tagairt don scéim dó, leag an tAire béim ar a thábhachtaí atá sé cothromaíocht a bhaint amach idir infhaighteacht cocháin sa gheimhreadh amach romhainn agus buntáistí comhshaoil agus sláinte ithreach na scéime:
“Chiallaigh na stóir náisiúnta cocháin ídithe an geimhreadh seo caite nach raibh mórán infhaighteachta ann i míonna tosaigh na bliana seo. Faoi láthair, cé go bhfuil feabhas ag teacht ar an bhfás, tá an chuma ar an scéal go bhfuil an stór fodair fós ar chúl an staid ag a bhfuilimid ag iarraidh go mbeidh sé.”
“Bíodh is go dtuigim go bhféadfadh díomá a bheith ar fheirmeoirí curaíochta mar gheall ar an mbeart seo, tá margadh an-láidir ann le haghaidh cocháin i mbliana mar gheall ar an nganntanas agus an gá atá le soláthairtí a athshlánú. Táim tiomanta ar fad go hiomlán do na spriocanna maidir le Corprú Cocháin a bhaint amach thar shaolré an Phlean Straitéisigh CBT.”
Ag machnamh dó ar an gcomhairle a cuireadh in iúl i ndiaidh an Choiste Náisiúnta Slándála Farae agus Bia (NFFSC) an tseachtain seo caite, dúirt an tAire:
“Tá sé ríthábhachtach do gach feirmeoir a chinntiú go bhfuil soláthairtí cocháin agus farae daingnithe acu don gheimhreadh amach romhainn. Iarraim orthu siúd a dteastaíonn cochán uathu dul i dteagmháil le feirmeoirí curaíochta lena chinntiú go mbeidh a gcuid soláthairtí slán don gheimhreadh amach romhainn.”
“Beidh mé ag plé anois le Cairt na bhFeirmeoirí agus leis an gCoiste Monatóireachta CBT ar mo mholadh an beart don bhliain seo a chur ar fionraí sula rachaidh mé ar aghaidh chun iarratas a dhéanamh chuig an Aontas Eorpach cead a lorg.”
CRÍOCH