Preasráitis
Críochnaíonn an tAire McConalogue agus an tAire Heydon cuairt ar an tSín mar chuid de mhisean mór trádála agraibhia
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Chríochnaigh an tAire Talmhaíochta, Bia agus Mara, Charlie McConalogue TD agus an tAire Stáit a bhfuil Freagracht air maidir le Forbairt Margaidh Nua Martin Heydon TD inniu (Dé Céadaoin) a gcuairt ar an tSín, an chéad chuid dá misean trádála agraibhia a chuimseoidh Poblacht na Cóiré freisin.
Le linn dó a bheith i mBéising, thionóil an tAire McConalogue cruinnithe polaitiúla lena chomhghleacaithe i Riarachán Ginearálta Custaim ó Dhaon-Phoblacht na Síne (GACC), arb é an comhlacht riaracháin é atá freagrach as rochtain ar an margadh de tháirgí agraibhia go dtí an tSín, agus an Aireacht Talmhaíochta agus Gnóthaí Tuaithe.
Bhain an tAire, in éineacht le Bord Bia agus Fiontraíocht Éireann, úsáid as a chuairt mar ardán chun caidrimh a chothú idir cuideachtaí onnmhairithe bia agus dí na hÉireann agus príomh-allmhaireoirí na Síne chomh maith le dul i dteagmháil le custaiméirí féideartha um Infheistíocht Dhíreach Choigríche (IDC).
Tionóladh príomhchruinniú le Rúnaí Talmhaíochta agus Gnóthaí Tuaithe an Pháirtí, an tUasal Han Jun agus an Leas-Aire Ma Youxiang, chun tuilleadh réimsí comhoibrithe a phlé. Áiríodh leis sin iarrachtaí chun tógáil ar an gclár aistrithe eolais leanúnach agus rathúil a éascaíonn malartuithe saineolais theicniúil agus taithí teicniúla idir Oifigigh na hÉireann agus Oifigigh na Síne.
Bhí díospóireachtaí dearfacha ag an Aire McConalogue freisin leis an Aire Yu Jianhua agus leis an Leas-Aire Wang Lingjun ón GACC i ndáil le deiseanna rochtana margaidh a chur chun cinn maidir le mairteoil ar an gcnámh, scairteach mairteola agus táirgí geirmeacha.
Dúirt an tAire McConalogue:
“Tá deiseanna suntasach ar fáil sa tSín do tháirgí Éireannacha agus thug an misean trádála seo deis dúinn ár gcaidrimh thrádála a athbhunú agus a neartú. Bhí áthas orm cruinniú ar mo chomhghleacaithe san Aireacht Talmhaíochta agus Gnóthaí Tuaithe agus le Riarachán Ginearálta Custaim araon atá ina n-idirghabhálaithe tábhachtacha do chomhoibriú talmhaíochta, lena n-áirítear in aistrithe taighde agus oideachais agus i dtrádáil. Tar éis an mhalartaithe tuairimí seo ar réimsí féideartha le haghaidh tuilleadh comhoibrithe, táim muiníneach go dtógfaimid a thuilleadh ar an gcaidreamh láidir déthaobhach atá i bhfeidhm cheana féin idir an dá thír atá againn. Deis úsáideach a bhí ann freisin plé a dhéanamh ar na saincheisteanna reatha maidir le honnmhairí muiceola agus déiríochta an AE chuig an tSín, agus dearbhuithe a thabhairt d'Údaráis na Síne maidir le comhlíonadh na trádála sin le rialacha EDT.
Dúirt an tAire McConalogue freisin:
“I ndiaidh mo chruinnithe leis na hAireachtaí bhí lúcháir orm cruinniú ar phríomhpháirtithe in Acadamh Eolaíochta Talmhaíochta na Síne agus comóradh deich mbliana ar Lárionad Forbartha Inbhuanaithe na Síne-na hÉireann a chomóradh leo. Is léiriú é seo ar an gcomhoibriú iontach atá forbartha sa réimse seo."
Ag taisteal ar aghaidh go Shanghai bhí deis ag an Aire McConalogue agus ag an Aire Stáit Heydon labhairt ag Seimineár Déiríochta na hÉireann-na Síne - ag dul i gcomhpháirtíocht le haghaidh todhchaí Inbhuanaithe.
Dúirt an tAire Heydon:
“I rith chéim na Síne den mhisean trádála seo chruinnigh mé ar roinnt cuideachtaí maidir le honnmhairí déiríochta agus mairteola na hÉireann. Mar an cúigiú ceann scríbe is mó atá againn, is margadh tábhachtach í an tSín d'onnmhairí déiríochta na hÉireann arb ionann é agus €426m in 2023. Deis a bhí sna cruinnithe seo cruinniú ar phríomhpháirtithe tráchtála na Síne in éineacht le soláthróirí Éireannacha chun feasacht a mhúscailt ar chaighdeán agus inbhuanaitheacht dhéiríocht na hÉireann agus muid ag iarraidh ár n-onnmhairí a éagsúlú. Bhí deis agam freisin cruinniú ar roinnt cuideachtaí Síneacha maidir le mairteoil na hÉireann, a bhfuil rochtain ar an margadh deimhnithe arís againn, agus a bhfuil rochtain níos fearr á lorg againn ar a son ar fad. In ainneoin timpeallacht dhúshlánach sa mhargadh faoi láthair, is margadh tábhachtach i gcónaí í an tSín chun onnmhairí mairteola na hÉireann a éagsúlú.”
Labhair an tAire Heydon freisin ag ócáid seolta an fheachtais deochanna Spiorad na hÉireann de chuid Bhord Bia, a forbraíodh chun léargas a thabhairt ar stair agus ar oidhreacht bhiotáillí na hÉireann agus chun feasacht mhéadaithe a chothú ar chatagóir deochanna na hÉireann.
Téann an misean trádála ar aghaidh go Súl, Poblacht na Cóiré anois áit a mbeidh an dá Aire ag plé leis an rialtas, le príomhpháirtithe leasmhara agus le comhpháirtithe tábhachtacha tráchtála i dtionscal bia na Cóiré. Tabharfaidh na hAirí aitheasc don seimineár Trádála um Mairteoil Eorpach Inbhuanaithe ó Éirinn agus seolfaidh siad Mairteoil na hÉireann go hoifigiúil isteach i margadh na Cóiré.
*CRÍOCH *
• Íomhá #1 Chef Li Zhanxu leis an Aire McConalogue ag an ócáid Chef Masters i mBéising
• Íomhá #2 An tAire Heydon ag labhairt ag Seimineár Déiríochta na hÉireann-na Síne in Shanghai
• Íomhá #3 An tAire McConalogue leis an Aire Yu Jianhua, ó Riarachán Ginearálta Custaim ó Dhaon-Phoblacht na Síne (GACC)