Preasráitis
Deimhníonn an tAire Humphreys go bhfuil Cúnamh Daonnúil ar fáil chun tacú leis na teaghlaigh sin atá buailte ag tuilte i gcontaetha Lú agus Loch Garman
Foilsithe
An t-eolas is déanaí
Foilsithe
An t-eolas is déanaí
Tá sé deimhnithe ag an Aire Coimirce Sóisialaí, Heather Humphreys, TD, go bhfuil an Scéim um Chúnamh Daonnúil ar fáil chun tacaíocht a sholáthar dóibh siúd a bhfuil cónaí orthu i réadmhaoin atá buailte go díreach ag tuilte i gContaetha Lú agus Loch Garman tar éis drochaimsire.
Cuireann an Scéim um Chúnamh Daonnúil cosc ar chruatan trí thacaíocht airgeadais atá tástáilte ó thaobh ioncaim de a chur ar fáil do dhaoine a ndearnadh damáiste dá dtithe de dheasca tuilte agus teagmhais drochaimsire agus nach bhfuil in ann costais a íoc le haghaidh riachtanais riachtanacha, earraí tí agus deisiú struchtúrach.
Ag labhairt faoi um thráthnóna, dúirt an tAire Humphreys:
“Tuigim go maith an cur isteach ollmhór atá á dhéanamh ag drochaimsir agus tuilte ar dhaoine agus ar theaghlaigh i gcontaetha Lú agus Loch Garman.”
“Tá an Scéim um Chúnamh Daonnúil oscailte agus tá tacaíocht ar fáil.”
“Fuair mé €3 milliún breise le déanaí don Scéim um Chúnamh Daonnúil atá á riar ag mo Roinn.”
“Ina theannta sin, tá faomhadh faighte agam chun na teorainneacha ioncaim don scéim a mhéadú ó:
Lean an tAire Humphreys ar aghaidh:
“Más gá d'aon úinéir tí atá buailte ag an drochaimsir rochtain a fháil ar na tacaíochtaí seo, is féidir leo teagmháil a dhéanamh leis an tSeirbhís Leasa Pobail trí ghlaoch a chur ar 0818 60 70 80.”
Agus í ag déileáil le heachtraí éigeandála, is iondúil go nglacann an roinn le cur chuige trí chéim mar seo a leanas:
Braitheann leibhéil íocaíochta faoin scéim ar dhéine choibhneasta an damáiste a rinneadh agus ar chumas an teaghlaigh na costais sin a chlúdach, le cinntiú go ndírítear an maoiniú go cuí.
Tá an measúnú maoine do Chúnamh Daonnúil níos flaithiúla ná mar a chuirtear i bhfeidhm faoi íocaíochtaí Leasa Shóisialaigh de réir tástála acmhainne go ginearálta. Is é bunphrionsabal na tástála ioncaim ná go gcáileoidh daoine aonair agus teaghlaigh a bhfuil meánleibhéil ioncaim acu le haghaidh cúnaimh, lena n-áirítear daoine nach faighteoirí Leasa Shóisialaigh iad.
Ní chumhdaítear leis an scéim rioscaí atá cumhdaithe cheana féin ag polasaithe árachais nó a chumhdaíonn caillteanais ghnó nó tráchtála. Cuireann sé cúnamh spriocdhírithe ar fáil dóibh siúd a bhfuil a dtithe buailte.