Preasráitis
Síneadh curtha ag an Aire le plean rathúil trádála scaireanna Bhanc na hÉireann den dara huair
Foilsithe
An t-eolas is déanaí
Foilsithe
An t-eolas is déanaí
Fógraíonn an tAire Airgeadais, Paschal Donohoe TD, inniu go gcuirfear síneadh breise le plean trádála scaireanna Bhanc na hÉireann (an "Chuideachta"). D'éirigh go han-mhaith leis an bplean go dtí seo agus cuirfidh an cinneadh seo ar chumas na Roinne Airgeadais leanúint de chuspóir an Rialtais na bainc a thabhairt ar ais faoi úinéireacht phríobháideach a bhaint amach.
B'ionann na fáltais a gineadh ó chéim a dó den phlean trádála a cuireadh i gcrích le déanaí agus thart ar. €283 milliún agus nuair a dhéantar é a chomhcheangal leis an gcéad chéim, is ionann na fáltais iomlána go dtí seo ná €532 milliún. Ba é €5.64 an meánphraghas scaire a baineadh amach i gcéim
a dó den phlean trádála, méadú ó €4.96 ar an meán i gcéim a haon. Tá laghdú tagtha anois ar scairsheilbh faoi threoir an Stáit sa bhanc ó 13.9% an samhradh seo caite nuair a thosaigh an plean trádála, go dtí níos lú ná 5% inniu. Ciallaíonn an síneadh breise a fógraíodh inniu go dtiocfaidh deireadh le céim a trí anois tráth nach bhfuil níos déanaí ná an 18 Deireadh Fómhair 2022.
Agus síneadh an phlean trádála scaireanna á fhógairt, dúirt an tAire Airgeadais:
"Chuir an plean trádála scaireanna, a dhíolann ár scaireanna isteach sa mhargadh go mall, ar ár gcumas leas a bhaint as an ardú de réir a chéile ar scairphraghas Bhanc na hÉireann ón samhradh seo caite agus creidim gur chun ár leasa é an plean a shíneadh ar feadh tréimhse eile".
Ar aon dul le tiomantas an Rialtais luach a sholáthar don cháiníocóir, ní dhíolfar scaireanna faoi bhonnphraghas réamhchinntithe a choinneoidh an Roinn Airgeadais faoi athbhreithniú.
Leanfaidh Citigroup Global Markets Limited ("Citi") ag gníomhú ar son an Aire Airgeadais agus an plean trádála scaireanna á chur i bhfeidhm. Leanfaidh Citi ar aghaidh ag díriú ar 15%, ar a mhéad, den mhéid trádála iomlán comhiomlán ionchasach sa Chuideachta a dhíol thar thréimhse an phlean trádála scaireanna. Braithfidh líon na scaireanna a dhíoltar ar dhálaí an mhargaidh, i measc tosca eile.
Tá an Roinn Airgeadais á cur ar an eolas ag N.M. Rothschild & Sons Limited (“Rothschild & Co”) agus William Fry LLP maidir leis an idirbheart seo.
CRÍOCH