Foilsithe
An t-eolas is déanaí
Inniu, thug an tAire Sláinte, Stephen Donnelly TD, agus an tAire Sláinte Poiblí, Folláine agus an Straitéis Náisiúnta Frithdhrugaí, Frank Feighan, TD, cuairt ar chlinic Chumann Beartaithe Muiríne na hÉireann i Sráid Chathail Brugha chun #WomensHealthWeek a chomóradh.
Tá Cumann Beartaithe Muiríne na hÉireann (IFPA) ar cheann de na carthanachtaí sláinte ghnéis agus atáirgthe is mó le rá in Éirinn, a bhunaigh grúpa oibrithe deonacha, altraí óga den chuid is mó, agus dochtúirí, a bhí spreagtha ag tionchair dhiúltacha sláinte an choisc ar fhrithghiniúint a bhí i bhfeidhm ag an am.
Sa lá atá inniu ann, tá clinicí IFPA i dTamhlacht agus i Sráid Chathail Brugha ina ngnéithe lárnacha de chúram sláinte atáirgthe níos leithne in Éirinn, agus cuireann siad raon seirbhísí ar fáil, lena n-áirítear frithghiniúint, comhairleoireacht toirchis, cúram ginmhillte, scagthástáil ceirbheacs, tástáil agus cóireáil STI, clinic FGM, seirbhísí sláinte ghnéis agus atáirgthe níos leithne, agus oiliúint.
Dúirt an tAire Sláinte:
“Is iontach an deis seo a bheith againn le linn Sheachtain Shláinte na mBan chun an dul chun cinn atá déanta maidir le cúram sláinte ghnéis agus atáirgthe a sholáthar in Éirinn le 50 bliain anuas a fheiceáil. Ba mhaith liom an deis a thapú buíochas a ghabháil leis an IFPA as a chuid oibre ar fad ag tacú le sláinte na mban, i gcomhar le FSS agus leis an tseirbhís sláinte níos leithne. Is príomhpháirtí leasmhar é an IFPA agus rochtain níos leithne ar fhrithghiniúint á rolladh againn níos déanaí i mbliana.”
Dúirt an tAire Sláinte Poiblí, Folláine agus an Straitéis Náisiúnta Frithdhrugaí:
“Ba mhaith liom comhghairdeas a dhéanamh leis an IFPA as a bhfuil déanta aici do chúram sláinte ghnéis in Éirinn. Tá sé seo ríthábhachtach anois - tá rátaí STI ag ardú le déanaí, go náisiúnta agus go hidirnáisiúnta. Mar fhreagra air sin, d'éirigh linn €3.3m breise a infheistiú i dtástáil STI ar líne agus i dtionscadail eile a thacaíonn le sláinte ghnéis. Leanaim ar aghaidh ag spreagadh daoine teacht chun tosaigh agus tástáil a fháil má bhraitheann siad go bhfuil siad i mbaol - tá cóireáil luath ríthábhachtach chun sláinte gach duine a chosaint."
Ag fáiltiú di roimh an Aire Sláinte Stephen Donnelly TD agus roimh an Aire Stáit um Shláinte Phoiblí, Folláine agus an Straitéis Náisiúnta Frithdhrugaí, Frank Feighan TD, dúirt an Dr Caitríona Henchion, Stiúrthóir Míochaine Chumann Beartaithe Muiríne na hÉireann (IFPA):
“Cúig bliana is fiche ó shin, nuair a thosaigh mé leis an IFPA, bhí frithghiniúint ar fáil, ach ní raibh rochtain uilíoch uirthi, bhí ginmhilleadh neamhdhleathach agus bhí stiogma ag baint le STIanna.
“Tá athrú mór tagtha ar an dul chun cinn atá déanta ó shin maidir le sláinte agus cearta gnéis agus atáirgthe. Shuigh muid inniu leis an Aire Sláinte agus leis an Aire Stáit; phléamar scéim nua frithghiniúna saor in aisce an Rialtais agus a leathnú, agus an tábhacht a bhaineann le rochtain ar ghinmhilleadh laistigh de chúram sláinte na mban.
“Táimid ag tnúth le comhoibriú leanúnach le FSS agus leis an Roinn Sláinte i dtreo sláinte agus cearta gnéis agus atáirgthe níos cothroime agus níos dírithe ar an duine do chách."
Tá an chuairt ar cheann de roinnt imeachtaí suntasacha a reáchtáladh chun Seachtain Sláinte na mBan agus Lá Idirnáisiúnta na mBan an 8 Márta, 2022 a chomóradh.
An tseachtain seo, sheol an tAire Donnelly Plean Gníomhaíochta um Shláinte na mBan 2022-2023, a d'fhorbair an Roinn Sláinte i gcomhpháirtíocht le FSS, an Clár Náisiúnta um Shláinte na mBan agus na Naíonán, an Institiúid Eorpach um Shláinte na mBan, Coláiste Liachleachtóirí na hÉireann, agus Comhairle Náisiúnta na mBan in Éirinn trí obair Thascfhórsa Sláinte na mBan. Is é an Plean Gníomhaíochta um Shláinte na mBan an chéad cheann de go leor pleananna, agus is cloch mhíle é in éabhlóid leanúnach shláinte na mban in Éirinn.
CRÍOCH
Plean Gníomhaíochta um Shláinte na mBan 2022 -2023
Sheol an tAire Sláinte, Stephen Donnelly, Plean Gníomhaíochta um Shláinte na mBan 2022 – 2023 . Díríonn an Plean seo ar thorthaí sláinte a fheabhsú do mhná in Éirinn.
Tascfhórsa Sláinte na mBan
Áirítear ar chomhaltaí an Tascfhórsa an Roinn Sláinte, an Roinn Leanaí, Comhionannais, Míchumais, Lánpháirtíochta agus Óige, Feidhmeannacht na Seirbhíse Sláinte, Clár Náisiúnta Sláinte na mBan agus na Naíonán, an Institiúid Sláinte Poiblí, an Institiúid Eorpach um Shláinte na mBan, Coláiste Liachleachtóirí na hÉireann, agus Comhairle Náisiúnta na mBan.
Tá tuilleadh faisnéise ar fáil ag: www.gov.ie/womenshealth