Preasráitis
An tAire Hackett i gceannas ar Mhisean Trádála Orgánaí sa Ghearmáin
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Beidh an Seanadóir Pippa Hackett, an tAire Stáit sa Roinn Talmhaíochta, Bia agus Mara, i gceannas ar Mhisean Trádála ardleibhéil chun na Gearmáine, chun díol Bianna Orgánacha na hÉireann a chur chun cinn, ag tosú Dé Luain an 25 Iúil. Beidh an chuairt i gcomhthráth le BIOFACH, an t-aonach trádála is mó ar domhan le haghaidh táirgí orgánacha; áit a mbeidh Bord Bia ina óstach ar sheastán Origin Green Ireland. Beidh Biofach ar siúl i Nuremburg, ón 26 Iúil go dtí an 29ú.
Is éard is Biofach ann ná bailiú uathúil de tháirgeoirí orgánacha, feirmeoirí, oideachasóirí, miondíoltóirí agus lucht déanta beartas agus iad siúd a aithníonn inmharthanacht fhadtéarmach agus tairiscint luacha an táirgthe orgánaigh. Le linn an mhisin trádála, tacóidh an tAire le cuideachtaí bia orgánacha na hÉireann agus iad ag bualadh le ceannaitheoirí idirnáisiúnta. Leag an tAire béim ar an onnmhairiú na ndeiseanna easpórtála atá ann do mhairteoil agus d'uaineoil orgánach, ach thug sí faoi deara freisin gur luacháileadh onnmhairí bia mara orgánacha ó Éirinn ag €98m in 2021 agus gur sampla den scoth iad den fhéidearthacht margadh a fhorbairt do tháirge orgánach ar ardchaighdeán.
Sular imigh sé don mhisean trádála, dúirt an tAire
"Is é margadh orgánach na Gearmáine an ceann is mó san Eoraip ó thaobh luacha de agus b'fhiú €15.9 billiún é in 2021. Tá an-áthas orm a bheith ag taisteal chun na Gearmáine chun cabhrú le todhchaí inmharthana a chinntiú d'fheirmeoireacht orgánach in Éirinn trí dheiseanna margaidh a fhorbairt do tháirgí orgánacha na hÉireann. Leanfaidh táirgí orgánacha ag leathnú a n-achomhairc do thomhaltóirí atá ag éirí níos feasaí ar a dtionchar féin ar an gcomhshaol agus ar mian leo tacú le hinbhuanaitheacht ar thuras na feirme go dtí an forc.'
Thug an tAire breac-chuntas ar an Tiomantas an Rialtais achar talún orgánach na hÉireann a mhéadú go 7.5% thar shaolré an chéad Chomhbheartais Talmhaíochta eile. Tháinig méadú 40% ar achar na talún a ndearnadh feirmeoireacht orgánach air sa Ghearmáin sa tréimhse cúig bliana go 2021 agus le linn an mhisin trádála buailfidh an tAire le príomhoifigigh rialtais agus tionscail chun leas a bhaint as a dtaithí ar fheirmeoireacht orgánach a leathnú. Dúirt an tAire Hackett
"In Éirinn, tá bonn agus taca curtha againn lenár dtiomantas fadtéarmach don earnáil trí leithdháileadh táscach €256 milliún a mholadh faoi Phlean Straitéiseach nua an CBT don tréimhse 2023 go 2027. Is méadú suntasach faoi chúig huaire é seo ar mhaoiniú don earnáil i gcomparáid le tréimhse CBT roimhe seo. D'fhógair mé an tseachtain seo caite rátaí íocaíochta feabhsaithe go mór d'fheirmeoirí agus molaim do gach feirmeoir machnamh tromchúiseach a dhéanamh ar na buntáistí a bhaineann le feirmeoireacht orgánach. Is é mo chuairt ar an nGearmáin an tseachtain seo ná a chinntiú go bhfuil deiseanna margaidh ann don raon aschur orgánach Éireannach atá ag leathnú".
Glacfaidh Michael Murphy, Príomhfheidhmeannach Bhord Bia, páirt sa Mhisean Trádála freisin, ag léiriú tiomantas Bhord Bia d'fhás na hearnála. Sular fhreastail sé ar chomhdháil Biofach, dúirt an tUasal Murphy :
"Leanann Bord Bia ag ardú ár n-infheistíochta i ngníomhaíochtaí chun tacú le forbairt earnáil orgánach na hÉireann, le béim ar leith ar thionscadail ghníomhachtaithe agus léargais margaidh. San fhómhar, cuirfidh Bord Bia torthaí forléargas cuimsitheach margaidh i láthair ar na margaí orgánacha sa tSualainn agus san Fhionlainn, ina leagfar amach deiseanna bealaigh chun an mhargaidh d'onnmhaireoirí orgánacha na hÉireann. Tagann sé seo ó infheistíocht i staidéar den chineál céanna a dhírigh ar mhargadh na Gearmáine in 2021. I gcomhar leis an Roinn Talmhaíochta, Bia agus Mara, déanfaidh Bord Bia ceiliúradh i mí Dheireadh Fómhair ar a bhfuil bainte amach ag earnáil orgánach na hÉireann ag na Gradaim Náisiúnta Orgánacha. Osclófar iontrálacha an 29 Iúil agus tugaim cuireadh do gach saothróir, táirgeoir agus déantúsóir orgánach Éireannach a bhfuil spéis acu dul isteach iontu."
Chomh maith le taispeántas BIOFACH, tabharfaidh an tAire cuairt ar fheirmeacha orgánacha sula dtaistealóidh sí go Munich Dé Céadaoin le haghaidh cruinnithe le miondíoltóirí, próiseálaithe agus ionadaithe thionscal na seirbhíse bia chun bia orgánach na hÉireann a chur chun cinn.