Preasráitis
Fáiltíonn an tAire Naughton roimh thús dréachtaithe na Straitéise Náisiúnta um Sláinte Ghnéis nua
Foilsithe
An t-eolas is déanaí
Foilsithe
An t-eolas is déanaí
D’fháiltigh an tAire Stáit le Freagracht as Sláinte Poiblí, Folláine agus an Straitéis Náisiúnta Drugaí, Hildegarde Naughton, inniu roimh thús dréachtaithe na Straitéise Náisiúnta um Shláinte Ghnéis (NSHS).
Cé go bhfuil obair le geallsealbhóirí ábhartha ar siúl cheana féin, bhuail an tAire inniu le baill an chroíghrúpa dréachtaithe ag a gcéad chruinniú foirmiúil.
Dúirt an tAire Naughton:
“Chuir an chéad Straitéis Náisiúnta um Shláinte Ghnéis 2015 – 2020, cur chuige cúrsa saoil, ag aithint a thábhachtaí atá dearcthaí sláintiúla i leith na collaíochta i ndaoine óga agus tógáil ar an mbonn sin le linn aosachta agus isteach in aois níos sine. Táimid ag déanamh tuilleadh forbartha air seo anois, lena n-áirítear sa straitéis nua go leor de na forbairtí dearfacha le blianta beaga anuas, mar fhrithghiniúint in saor in aisce, próifiolacsas réamhnochta (PrEP) saor in aisce le haghaidh IGT agus tástáil IGT baile saor in aisce, agus ag nascadh le príomhréimsí beartais eile. amhail LADTI+, sláinte na mban agus na bhfear.”
Leanfaidh an straitéis nua ar aghaidh ag feabhsú tacaíochtaí do shláinte agus folláine ghnéis, agus ag an am céanna ag laghdú torthaí sláinte gnéis diúltacha agus ag tacú le dearcthaí sláintiúla ar ghnéasacht ar feadh an tsaoil. Tá cur i bhfeidhm na straitéise á stiúradh ag Clár Sláinte Ghnéis agus Toircheas Géarchéime (SHCPP) an FSS.
Tá sé ríthábhachtach an NSHS a athnuachan ó tharla go bhfuil go leor seirbhísí nua tugtha isteach ó 2015 i leith agus an t-ardú ar dhaonra na hÉireann, i dtéarmaí uimhreacha agus éagsúlachta araon. D’ainneoin luas an-suntasach na forbartha agus na nuálaíochta le blianta beaga anuas, tá gá le hacmhainn bhreise.
Lean an tAire Naughton ar aghaidh:
“Tá sé mar aidhm agam faomhadh an Rialtais a lorg chun an straitéis nua a fhoilsiú roimh dheireadh 2023. Leanfaidh an straitéis nua le croí-obair na straitéise a chuaigh roimhe, ach go ríthábhachtach, cuirfidh sí seirbhísí, tacaíochtaí agus réimsí beartais nua nuálacha leis. Is iad na príomh-acmhainní dúinn go léir agus a chuirfidh le folláine dhearfach ná, acmhainní sláinte ghnéis éagsúla agus cothrom le dáta, oideachas, faisnéis, frithghiniúint, cosc agus cóireáil IGT.
“Guím gach rath ar an ngrúpa dréachtaithe agus iad ag cur tús lena gcuid oibre agus táim tiomanta do thacaíocht a thabhairt dóibh agus a chinntiú go ndéantar maoiniú cuí ar na hacmhainní seo agus go ndéanfar tuilleadh forbartha orthu.”
D’aithin athbhreithniú neamhspleách ar an gcéad straitéis, a rinne Crowe Ireland Advisory, go raibh 49 as 56 Gníomh Tosaíochta sa chéad NSHS curtha chun cinn go rathúil agus inar leagadh amach moltaí táscacha don chéad straitéis eile. Is féidir an chéad Straitéis agus an tAthbhreithniú a léamh ag gov.ie
Aithníodh na tosaíochtaí seo a leanas don Straitéis Náisiúnta nua um Sláinte Ghnéis: