Preasráitis
An tAire McConalogue chun córais bia inbhuanaithe ag COP 28 a chur chun cinn
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Tagann an tAire Talmhaíochta, Bia agus Mara, Charlie McConalogue T.D., go Dubai Dé hAoine an 8 Nollaig chun páirt a ghlacadh i sraith imeachtaí a leag béim ar thábhacht na gCóras Bia Inbhuanaithe ag Cruinniú Mullaigh COP28. Is ceannaire domhanda í Éire i gcórais bia inbhuanaithe ón bhfeirm go dtí an forc agus tá an tAire ag baint úsáide as an deis chun ár scéal a thaispeáint mar mhúnla do thíortha eile a tháirgeann bia. Cuireann sé seo le rannpháirtíocht leanúnach an Aire agus a Roinne ag fóraim eile de chuid na NA agus EBT ina bpléitear bia inbhuanaithe.
Ag smaoineamh ar a rannpháirtíocht, dúirt an tAire McConalogue:
“Is deis thábhachtach é mo thinreamh ar COP chun cur leis an idirphlé domhanda ar chórais bhia inbhuanaithe. Don chéad uair, thug Uachtaránacht an COP tosaíocht don nasc idir beartas aeráide agus ár gcóras bia, agus mar náisiún táirgthe bia, tá sé ríthábhachtach go gcuirfí talmhaíocht agus bia na hÉireann i láthair ar an ardán domhanda”
Reáchtálfaidh an tAire McConalogue sraith imeachtaí tábhachtacha déthaobhacha le linn an Chruinnithe Mullaigh.
“Is deiseanna tábhachtacha iad na rannpháirtíochtaí seo chun aird a tharraingt ar an obair shuntasach atá á déanamh in Éirinn chun aghaidh a thabhairt ar na dúshláin a bhaineann le hathrú aeráide agus slándáil bia trí nuálaíocht agus athrú córasach. Trínár dtaithí a roinnt, tá súil againn go mbeidh ról lárnach againn i gclaochlú domhanda na gcóras bia a rachaidh chun tairbhe do chách agus a bheidh mar thoradh ar thorthaí comhshaoil, sóisialta agus eacnamaíocha atá níos inbhuanaithe.”
Le linn an Chruinnithe Mullaigh, beidh Éire ina comhóstach ar imeacht le hUachtaránacht COP, UAE, dar teideal “Cur Chuige um Chórais Bhia Inbhuanaithe maidir le Nuálaíocht do Ghníomhú ar son na hAeráide”.
Dúirt an tAire
“Tá Éire ar thús cadhnaíochta agus í ag tacú le hathrú córas bia domhanda, bunaithe ar thuiscint ar an tábhacht lárnach a bhaineann le feirmeoireacht, iascaireacht agus táirgeadh bia do phobail tuaithe agus chósta. Thugamar tacaíocht láidir do phróiseas Chruinnithe Mullaigh na NA um Chórais Bhia agus táimid ag obair le comhpháirtithe ar fud an domhain chun cur chuige inbhuanaithe maidir le córais bhia a chur chun cinn.
“Is féidir le feirmeoireacht beostoic féarach na hÉireann agus feabhas a chur ar ár n-inbhuanaitheacht iomlán go leor a dhéanamh chun cuidiú le maolú aeráide. Tá go leor buntáistí nádúrtha ag Talmhaíocht na hÉireann ó thaobh táirgthe bia de, go háirithe séasúr féaraigh allamuigh 9 mí atá fíor-annamh go hidirnáisiúnta, i gcóras soláthair bia atá ag éirí níos domhanda, ach tá a fhios againn gur féidir linn feabhsú níos mó fós. Mar sin táimid ar thús cadhnaíochta taighde go náisiúnta agus go hidirnáisiúnta, ag tiomáint na nuálaíochta, agus ag obair le feirmeoirí agus gnólachtaí bia chun tacú le cur i bhfeidhm ar fheirmeacha agus trasna an slabhra luacha.”
Nótaí d'Eagarthóirí
Buaicphointí an Chláir
| Nótaí d'Eagarthóirí Buaicphointí an Chláir |
| Bhí an M42 ina hóstach ar imeacht “Tábhacht na teicneolaíochta i mbainistíocht uisce agus i gcosaint fiadhúlra” |
| Déthaobhach leis an Onórach Kandeh Yumkella, Cathaoirleach ar Thionscnamh Uachtaránachta Shiarra Leon ar Athrú Aeráide, Fuinneamh In-athnuaite agus Slándáil Bia agus H.E. Jiwoh Abdulai, Aire Comhshaoil agus Athrú Aeráide - Siarra Leon |
| Déthaobhach le H.E Ahmed Mathobe Nunowm, Aire Talmhaíochta agus Uisciúcháin - Poblacht Chónaidhme na Somáile |
| Ócáid Aireachta “Feidhmiú Comhtháite a Spreagadh ar Chreata Náisiúnta Aeráide agus Bithéagsúlachta” |
| D’óstáil Cumann Tráchtála na SA imeacht “Ag Laghdú Meatáin ó Bhia agus ó Thalmhaíocht” |
| Ambasáid na hÉireann – Fáiltiú |
| Fáiltiú Ardleibhéil Neamhfhoirmiúil AIM don Chruinniú Mullaigh Aeráide |
| Dé Domhnaigh 10 Nollaig |
| Déthaobhach leis an Onórach Simon Watts, an tAire um Athrú Aeráide- an Nua-Shéalainn |
| Imeacht comh-óstaithe ag UAE/ IE “Cur chuige um chórais bhia inbhuanaithe maidir le nuálaíocht le haghaidh gníomhaithe ar son na haeráide” |