Preasráitis
Fáiltíonn an tAire Foley roimh an bhfógra go ndéanfar Gaelcholáiste comhoideachais de CBS Sráid Synge
Foilsithe
An t-eolas is déanaí
Foilsithe
An t-eolas is déanaí
Tá fáilte curtha ag an Aire Oideachais, Norma Foley TD, roimh fhógra Iontaobhas Scoileanna Edmund Rice (ERST) go ndéanfar CBS Synge Street a aistriú ó iar-bhunscoil Bhéarla aonghnéis go dtí Gaelcholáiste comhoideachais lán-Ghaeilge ag tosú leo siúd a bheidh ag dul isteach sa chéad bhliain i scoilbhliain 2026/2027.
Dúirt an tAire Foley:
"Is dea-scéala é seo don scoil agus don phobal áitiúil. Is eol dom go bhfuil éileamh le fada ar Ghaelcholáiste i mBaile Átha Cliath 2,4,6 agus 8 agus tá lúcháir orm go bhfuil ceann againn anois i gcroílár Bhaile Átha Cliath 2. Cuirfidh sé seo leis an soláthar don oideachas lán-Ghaeilge ag an iar-bhunleibhéal i mórcheantar chathair Bhaile Átha Cliath Theas.
"Is ionann an fógra seo agus ré nua do CBS Sráid Synge, scoil a bhfuil a stair fréamhaithe go domhain ina pobal. Ba mhaith liom buíochas a ghlacadh leis an gcomhlacht pátrúnachta ERST as a bheith ag obair leis an Roinn Oideachais agus as spéis a léiriú san t-aistriú seo chuig Gaelcholáiste comhoideachais, lán-Ghaeilge a iniúchadh. Tá mo Roinn ag plé leis an gcomhlacht pátrúnachta agus tá obair ar bun chun ullmhú d'aistriú na scoile do scoilbhliain 2026/2027."
In 2017, thug Bunscoil Sráid Synge, bunscoil CBS Sráid Synge atá in aice láimhe, Sruth lán-Ghaeilge isteach agus cuireann sí oideachas trí Ghaeilge ar fáil do gach bliain. Ó tugadh isteach an sruth, tá méadú thart ar 42% tagtha ar líon na ndaltaí atá cláraithe sa scoil.
| Uimhir Rolla | Ainm na Scoile | Rolluithe 23/24 |
| 60470D | Na Bráithre Críostaí, Sráid Synge | 302 |