Preasráitis
Forás tréan maidir le hioncam agus caiteachas, de réir mar a bhí á thuar, le sonrú ar thoradh an Ráithe Tosaigh den bhliain 2019
Foilsithe
An t-eolas is déanaí
Foilsithe
An t-eolas is déanaí
Gnóthachtáil mhaith maidir le cáin na bliana agus bainistíocht de réir mar a bhí leagtha amach le sonrú ar thorthaí R1 2019
Ag labhairt dó faoi fhigiúirí an Státchiste inniu (Dé Máirt), dúirt Paschal Donohoe T.D., an tAire Airgeadais agus Caiteachais Phoiblí agus Athchóirithe:
“Táthar ag cruthú go maith maidir leis na ceannteidil cánachais ar fad, léiriú ar bhorradh leathan inmharthanach a bheith faoi chúrsaí eacnamaíochta. Tá bainistíocht á dhéanamh ar an gcaiteachas de réir mar a bhí leagtha amach agus tá an caiteachas sin níos airde ná mar a bhí anuraidh. Is ar an gcaoi sin a dhéantar soláthar do mhaoiniú na seirbhísí poiblí agus don infheistíocht a chuirfidh leis an acmhainn foráis sa tír agus a thabharfaidh faoi na príomhchonstaicí infreastruchúir. Ardú 6.6% a bhí ar an ollchaiteachas ar feadh na ráithe i gcomórtas le ráithe tosaigh na bliana seo caite. Is léir ar thorthaí na ráithe tosaigh go bhfuil tús maith ar an mbliain agus cuirfidh sin bonn faoin obair maidir leis na spriocanna fioscacha bliantúla a thabhairt i gcrích. Ina ainneoin sin, d'fhéadfadh deacrachtaí ionchais, Brexit san áireamh, a bheith i ndán agus dá réir sin, leanfaidh an Rialtas seo den mhaoirseacht chúramach ar ghnóthaí airgeadais poiblí na tíre.”