Ráiteas thar ceann Rialtas na hÉireann

D’aontaigh an Rialtas roinnt beart mar fhreagra ar an mborradh i líon na ndaoine atá ag lorg cosanta in Éirinn.

Tá sé aontaithe aige gur cheart go bhfaigheadh tairbhithe de Chosaint Shealadach i gcóiríocht atá curtha ar fáil ag an stát an leibhéal céanna íocaíochta gan cuimhneamh ar cén uair a tháinig siad.

Déanfaidh an tAire Coimirce Sóisialaí agus an tAire Leanaí, Comhionannais, Míchumais, Lánpháirtíochta agus Óige idirchaidreamh maidir leis na socruithe oibríochtúla chun éifeacht a thabhairt don athrú seo, le réamh-ama measta 12 sheachtain chun sonraí a chur i gcrích agus fógra a chur ar fáil do na daoine lena mbaineann.
Déanfaidh an tAire Coimirce Sóisialaí agus an tAire Leanaí, Comhionannais, Míchumais, Lánpháirtíochta agus Óige athbhreithniú ar theidlíochtaí iarrthóirí Chosaint Idirnáisiúnta agus cuirfidh siad tuairisc ar ais chuig an Rialtas laistigh de shé seachtaine.
Méadóidh an tAire Fiontar iniúchtaí spriocdhírithe ar ionaid oibre in earnálacha nó gnólachtaí ina bhfuil riosca méadaithe nó tuairiscí neamhchomhlíonta le raon riachtanas fostaíochta agus ionaid oibre agus rialacháin ceadúnais.
Thug an Rialtas faoi deara chomh maith go bhfuil líon na foirne méadaithe faoi dhó ag an Aire Dlí agus Cirt, le méadú faoi thrí ar líon na gcinntí san Oifig um Chosaint Idirnáisiúnta, le méadaithe breise pleanáilte. Ó thugadh isteach próiseáil bhrostaithe ag an Aire Dlí agus Cirt i mí na Samhna 2022, tá laghdú comhfhreagrach de 50% tagtha i líon na n-iarratas ó na tíortha ainmnithe.
Tá an tAire Dlí agus Cirt ag cur i gcrích athbhreithniithe ar thíortha sábháilte agus tuairisceoidh sé ar ais don Rialtas faoi thoradh an athbhreithniithe ar thaisteal saor-ó- víosa le haghaidh gach Stát óna bhfuil líon suntasach iarrthóirí ar chosaint idirnáisiúnta.
Fillfidh an tAire Dlí agus Cirt ar an Rialtas freisin faoi dheireadh na míosa tar éis críochnú an athbhreithnithe ar fhíneálacha aerlíne, a thosaigh an tAire níos luaithe i mbliana.
D’aontaigh an Rialtas chomh maith go n-úsáidfí suíomhanna faoi úinéireacht an Stáit le haghaidh cóiríochta i bpuball, sula dtosófar an straitéis mhéantéarmach.