Preasráitis
Freastalaíonn 4,000 saoránach nua ar Shearmanais Shaoránachta i gCill Airne
Foilsithe
An t-eolas is déanaí
Foilsithe
An t-eolas is déanaí
19 Meitheamh 2023
Chuir an tAire Dlí agus Cirt Helen McEntee fáilte inniu roimh 4,000 saoránach nua Éireannach ar bronnadh saoránacht orthu ag searmanais a bheidh á reáchtáil thar dhá lá i gCill Airne, Co. Chiarraí.
Reáchtálfar na Searmanais i Lárionad Náisiúnta Imeachtaí na hÉireann (INEC) i gCill Airne an 19 agus an 20 Meitheamh agus bronnfar saoránacht Éireannach ar iarratasóirí ó 139 tír ar fud an domhain.
Labhróidh an tAire Ardoideachais agus Breisoideachais, Oiliúna agus Fostaíochta Simon Harris ag na searmanais an 19 Meitheamh, agus labhróidh an tAire Stáit Niall Collins ag na searmanais an 20 Meitheamh.
Dúirt an tAire McEntee roimh an gcéad searmanas inniu:
“Déanaim comhghairdeas leis na saoránaigh nua ar an lá cinniúnach seo in bhur saol agus cuirim fáilte romhaibh. Inniu, cuirfear deireadh le haistear amháin agus tús le haistear nua. Beidh cearta bunúsacha áirithe agaibh anois faoin mBunreacht agus sibh in bhur saoránaigh Éireannacha. Is réimse leathan agus éagsúil ceart iad sin, ach cosnóidh siad sibh féin, bhur dteaghlach agus bhur saoirse."
Molaim do gach saoránach nua glacadh lena dhualgas sibhialta. Is gné riachtanach den saol in Éirinn é. Cuirfidh sé ar bhur gcumas a bheith rannpháirteach sa tsochaí shibhialta, is cuma cé acu in bhur bpobal áitiúil nó ar leibhéal náisiúnta é sin, b'fhéidir go roghnódh cuid agaibh seasamh sa toghchán sna blianta amach romhainn. Cinnteoidh rannpháirtíocht ghníomhach sa phobal go mbeidh guth ag gach duine agus cabhróidh sé sin lenár ndaonlathas a neartú.”
Reáchtálfar searmanais an lae inniu agus an lae i ndiaidh searmanas a reáchtáladh i gCumann Ríoga Bhaile Átha Cliath (RDS) i Márta na bliana seo.
Dúirt an tAire Harris, a rinne ionadaíocht thar ceann an Rialtais ag Searmanais an lae inniu,
“Is mór an onóir dom bualadh leis na saoránaigh nua agus comhghairdeas a dhéanamh leo as saoránacht Éireannach a fháil. Ní shamhlaítear luach an náisiúin trínár saibhreas, ach trínár muintir, difríochtaí, cosúlachtaí agus baile comhroinnte anseo ar an oileán. Déanaim comhghairdeas leis na saoránaigh nua agus iad ag tabhairt faoi na chéad chéimeanna eile ina saol in Éirinn.”
Dúirt an tAire Stáit Collins, a labhróidh ag an searmanas Dé Máirt,
“Ba mhaith liom fáilte mhór a chur roimh ár saoránaigh nua Éireannacha go léir. Molaim dár saoránaigh nua go léir glacadh le dualgas sibhialta na hÉireann agus cur lena bpobal ar bhealach ar bith is féidir.”
Is iad na Breithiúna Mary Irvine agus Deirdre Murphy, atá ar scor, na hOifigigh Cheannais ag na searmanais a riarfaidh Forógra Dílseachta do Náisiún na hÉireann agus Dílseacht don Stát Dé Luain agus Dé Máirt faoi seach.
Gheall na saoránaigh nua freisin go gcloífidh siad go dílis le dlí an Stáit agus go léireoidh siad meas ar a luachanna daonlathacha.
Críoch
Eolas breise
Gheobhaidh 3,918 iarrthóir ó 139 tír saoránacht Éireann ag ceithre shearmanas ar leith i Lárionad Náisiúnta Imeachtaí na hÉireann (INEC) i gCill Airne an 19 & 20 Meitheamh 2023.
Cuireadh tús le searmanais shaoránachta den chéad uair in 2011 chun comóradh ar bhealach díniteach sollúnta a dhéanamh ar ócáid bhronnadh na saoránachta. Ó tugadh searmanais shaoránachta isteach den chéad uair, reáchtáladh 164 searmanas san iomlán (searmanais an 19 & 20 Meitheamh san áireamh) agus fuair daoine ó níos mó ná 180 tír deimhniú eadóirseachta.
Tá saoránacht Éireann faighte ag nach mór 161,000 duine go dtí seo ón mbliain 2011 i leith. (áirítear leis an 161,000 duine sin na daoine a bhí i láthair ag searmanais mhí an Mheithimh agus iarratasóirí a fuair saoránacht tríd an bpróiseas Dearbhaithe a tugadh isteach i ndiaidh phaindéim COVID)
Na 10 náisiúntacht is mó a fuair Saoránacht Éireann an tseachtain seo
| Lipéad | Líon na nIarratas Tag |
| An Ríocht Aontaithe | 410 |
| An Pholainn | 33 |
| An India | 321 |
| An Rómáin | 279 |
| An Phacastáin | 202 |
| An Bhrasaíl | 201 |
| An Nigéir | 177 |
| Poblacht Arabach na Siria | 136 |
| Na hOileáin Fhilipíneacha | 126 |
| Stáit Aontaithe Mheiriceá | 100 |
Miondealú de réir contae ar shaoránaigh nua an tseachtain seo
| Lipéad | Líon na nIarratas Tag |
| Co. Bhaile Átha Cliath | 450 |
| Co. Chorcaí | 261 |
| Baile Átha Cliath 15 | 202 |
| Co. na Mí | 151 |
| Co. Chill Dara | 152 |
| Co. na Gaillimhe | 121 |
| Baile Átha Cliath 24 | 118 |
| Co. Lú | 112 |
| Cathair Chorcaí | 108 |
| Co. Chill Mhantáin | 107 |
| Baile Átha Cliath 8 | 102 |
| Baile Átha Cliath 18 | 93 |
| Co. Chiarraí | 85 |
| Co. na hIarmhí | 77 |
| Baile Átha Cliath 7 | 76 |
| Baile Átha Cliath 1 | 72 |
| Co. Loch Garman | 72 |
| Co. Thiobraid Árann | 70 |
| Cathair Luimnigh | 67 |
| Baile Átha Cliath 13 | 60 |
| Co. Luimnigh | 60 |
| Co. an Chláir | 59 |
| Co. Mhaigh Eo | 58 |
| Co. Dhún na nGall | 57 |
| Co. Chill Chainnigh | 56 |
| Cathair Phort Láirge | 56 |
| Baile Átha Cliath 4 | 55 |
| Co. Laoise | 53 |
| Baile Átha Cliath 11 | 51 |
| Co. Phort Láirge | 50 |
| Cathair na Gaillimhe | 49 |
| Baile Átha Cliath 6 | 49 |
| Co. an Chabháin | 48 |
| Baile Átha Cliath 9 | 46 |
| Baile Átha Cliath 16 | 42 |
| Co. Cheatharlach | 41 |
| Co. Mhuineacháin | 40 |
| Baile Átha Cliath 22 | 40 |
| Baile Átha Cliath 12 | 40 |
| Co. Ros Comáin | 39 |
| Co. Shligigh | 37 |
| Baile Átha Cliath 14 | 37 |
| Co. Aontroma | 36 |
| Baile Átha Cliath 5 | 36 |
| Baile Átha Cliath 3 | 31 |
| Co. an Longfoirt | 30 |
| Co. Uíbh Fhailí | 29 |
| Co. an Dúin | 23 |
| Baile Átha Cliath 6W | 23 |
| Baile Átha Cliath 2 | 21 |
| Baile Átha Cliath 17 | 16 |
| Baile Átha Cliath 20 | 13 |
| Co. Liatroma | 13 |
| Co. Dhoire | 7 |
| Co. Thír Eoghain | 7 |
| Baile Átha Cliath 10 | 7 |
| Co. Ard Mhacha | 5 |
| Co. Fhear Manach | 2 |
| 3918 |