Preasráitis
Breis agus 3,600 ceadúnas foraoiseachta nua eisithe i mbliana go dtí seo, méadú 34% ar an mbliain seo caite
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
D'fháiltigh an tAire Stáit um Úsáid Talún agus Bithéagsúlacht Pippa Hackett roimh aschur ard leanúnach ceadúnas foraoiseachta nua i mbliana, agus aschur ceadúnaithe 34% níos airde ná an tréimhse chéanna anuraidh. Cuimsíodh na figiúirí nuashonraithe sa Phlean um Cheadúnú Foraoiseachta 2022 – Nuashonrú Ráithe 3. Léiríonn an slánú ar cheadúnas foraoiseachta go méadóidh an méadú 56% ar cheadúnais nua foraoiseachta anuraidh tuilleadh i mbliana. Is ardú 47% é an méadú is déanaí ar cheadúnais foraoisithe i gcomparáid leis an tréimhse chéanna in 2021.
D’eisigh an Roinn 3,629 ceadúnas go dtí deireadh mhí Mheán Fómhair, is ionann sin agus 92% den sprioc don phointe seo den bhliain mar atá leagtha amach sa Phlean um Cheadúnú Foraoiseachta 2022. Is ionann líon na n-iarratas a fuarthas sa bhliain go dáta agus 2,658, rud a chiallaíonn go bhfuil na ceadúnais a eisíodh 40% níos airde ná na hiarratais a fuarthas. Maidir le foraoisiú, léiríonn figiúirí ón nuashonrú ráithiúil go bhfuil 933 ceadúnais foraoisithe ceadaithe faoi láthair le díreach faoi bhun 7,000 heicteár réidh le cur.
Dúirt an tAire Hackett,
“Fáiltím roimh an aschur ard leanúnach i gceadúnú foraoiseachta a thógann ar dhul chun cinn suntasach ón mbliain seo caite. Faoi láthair tá beagnach 7,000 heicteár de thalamh, ceadaithe agus réidh le plandáil. Tá an riaráiste in iarratais ar cheadúnais ag titim i gcónaí, agus amanna slánúcháin níos tapúla d'iarratasóirí nua."
Tá Clár Foraoiseachta nua don tréimhse 2023-2027 á fhorbairt faoi láthair, agus tá an Roinn i dteagmháil go dian leis an Roinn Caiteachais Phoiblí agus Athchóirithe chun rátaí deontais agus préimhe don Chlár nua a thabhairt chun críche, faoi réir ceadú Státchabhrach ón gCoimisiún Eorpach. Dúirt an tAire Hackett:
“Tuigim go maith an gá atá le rátaí deontais agus préimhe a fhógairt don chéad Chlár Foraoiseachta eile faoi réir cheadú an Choimisiúin agus chead na Roinne Caiteachais Phoiblí agus Athchóirithe a luaithe is féidir, agus tá súil agam go mbeidh mé in ann é sin a dhéanamh sna seachtainí amach romhainn."
Príomhfhigiúirí ó Nuashonrú Ráithe 3 ar an bPlean um Cheadúnú Foraoiseachta 2022:
1. Eisíodh 1,180 ceadúnas foraoiseachta nua i R3. Is ionann sin agus 90% den sprioc atá leagtha síos sa phlean do R3 (1,313 ceadúnas). Is ionann aschur ceadúnaithe YTD ag 3,629 agus 92% de na spriocanna atá leagtha síos sa Phlean.
2. Tá líon na n-iarratas ar phróiseáil tite ó 4,801 ag deireadh 2021 go 3,133 i R3, is ionann sin agus glanlaghdú de 1,668. Cuimsítear leis seo 1,580 iarratas nua a fuarthas i Ráithe 3.
3. 1,580 iarratas nua faighte i Ráithe 3, ina bhfuil 117 foraoisiú, 1,334 leagan agus 39 n-iarratas ar bhóithre foraoise.
4. Maidir le foraoisiú, is ionann an t-aschur ráithiúil ceadúnaithe don tríú ráithe de 2022 agus 238 ceadúnas, rud atá i bhfad níos airde ná an t-aschur do Ráithe 2 de 131.
5. Tá 933 conradh foraoisithe ceadaithe anois le díreach faoi bhun 7,000ha réidh le plandáil.
6. Maidir le leagan, tá aschur ceadúnais iomlán leagan YTD ar sprioc (2,512 ceadúnas eisithe vs. 2,535 sprioc). Sháraigh leagan príobháideach go mór leagan Coillte i R3. 472 vs 294.
7. Is ionann aschur ceadúnas bóthair YTD agus 93% den sprioc aschuir.
8. Eisíodh 3,629 ceadúnas go dtí deireadh mhí Mheán Fómhair nó 92% den sprioc don phointe sin den bhliain. Is ionann líon na n-iarratas a fuarthas YTD agus 2,658.
Mar fhocal scoir, dúirt an tAire, “Tá an chuid is measa curtha dínn againn maidir le ceadúnú foraoise i mbliana. Táim muiníneach go leanfaidh an dul chun cinn seo ar aghaidh go 2023 le Clár Foraoiseachta nua a thairgeann deontais nua tarraingteacha agus réamhíocaíochtaí bliantúla d'fheirmeoirí agus d'úinéirí talún."