Molann an tAire Butler do dhaoine aosta aire a thabhairt dá sláinte le linn na haimsire te
Foilsithe
An t-eolas is déanaí
Foilsithe
An t-eolas is déanaí
Tá an tAire Meabhairshláinte agus Daoine Aosta, Mary Butler TD, ag cur comhairle ar dhaoine aosta fanacht hiodráitithe agus solas díreach gréine a sheachaint chun cabhrú leo fanacht sábháilte le linn na haimsire te, roimh rabhadh teocht ard buí do na laethanta amach romhainn.
D'fhéadfadh daoine atá os cionn 65 bliana d'aois agus iad siúd a bhfuil bunriochtaí sláinte acu amhail diaibéiteas, galar Alzheimer, néaltrú agus riochtaí a chuireann isteach ar a n-análú, a gcroí agus a nduáin a bheith an-leochaileach ag an am seo.
Dúirt an tAire Butler: >“D'fhéadfadh strus teasa, tnáitheadh ó theas agus stróc teasa a bheith ina rioscaí tromchúiseacha sláinte do dhaoine le linn toinne teasa. Molaim do dhaoine aosta, agus do dhuine ar bith atá ag tabhairt aire do dhuine, céimeanna a ghlacadh chun fanacht fionnuar agus hiodráitithe agus a bheith ag faire amach do chomharthaí a léiríonn díhiodráitiú agus tnáitheadh ó theas.
“Tá sé tábhachtach a chuimhneamh go mbeidh do dhochtúir teaghlaigh nó do chógaiseoir in ann comhairle a chur ort má fhágann aon cheann de do chógais go mbeidh seans níos mó ann go n-éireoidh tú tinn mar gheall ar an teas”.
Tá an tAire Butler ag moladh go háirithe dóibh siúd atá ag tabhairt aire do dhuine a bheith ar an airdeall:
"Má tá tú ag tabhairt aire do dhuine, seans nach bhfuil tuiscint acu ar an méid atá á ól acu. Chun cabhrú leo, bí cinnte go n-ólann siad le linn am béilí agus cuir bia ar fáil a bhfuil cion ard uisce ann."
Tá luath-idirghabháil riachtanach má éiríonn duine tinn mar gheall ar thnáitheadh ó theas, stróc teasa nó díhiodráitiú agus moltar do dhaoine teagmháil a dhéanamh lena ndochtúir teaghlaigh nó cóir leighis a lorg má éiríonn tú meadhránach, má bhíonn mearbhall ort, mura bhfuil mún déanta agat, nó má tá do ráta croí méadaithe.
Má tá tú féin nó aon duine eile ag streachailt déan teagmháil leis na seirbhísí éigeandála láithreach trí ghlaoch ar 112 nó 999.
CRÍOCH
NÓTAÍ
Le haghaidh tuilleadh comhairle, téigh chuig láithreán gréasáin FSS. téigh chuig láithreán gréasáin FSS.