Foilsíonn an tAire Zappone an Bille um Chaomhnóirí Ad Litem
Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
Teanga: Níl leagan Gaeilge den mhír seo ar fáil.
Ó An Roinn Leanaí, Comhionannais, Míchumais, Lánpháirtíochta agus Óige
Foilsithe
An t-eolas is déanaí
Teanga: Níl leagan Gaeilge den mhír seo ar fáil.
D’fhoilsigh an tAire Leanaí agus Gnóthaí Óige, an Dr Katherine Zappone, An Bille um Chúram Leanaí (Leasú), 2019. Téitear i ngleic sa Bhille le heasnaimh shuntasacha sna forálacha reatha um Chaomhnóir ad litem (CAL) faoi Alt 26 den Acht um Chúram Leanaí, 1991. Is é a chuspóir chun an córas reatha ad hoc de cheapacháin Chaomhnóra ad litem a rialáil agus chun an córas a shíneadh chun go dtéann sé chun sochair an lín is mó leanaí agus daoine óga.
Ceapann breithiúna caomhnóirí ad litem in imeachtaí cúram leanaí. Is é an ról atá acu chun mianta, mothúcháin agus leasanna an linbh a dheimhniú go neamhspleách agus iad a chur i láthair na cúirte le moltaí.
Dúirt an tAire Zappone:
“Is deas liom a fhógairt gur foilsíodh an Bille um Chúram Leanaí (Leasú), 2019 a dhéanann foráil do sheirbhís nua Chaomhnóra ad litem laistigh d’Oifig Feidhmiúcháin mo Roinne. Foráiltear sa Bhille do thoimhde i bhfabhar Caomhnóir ad litem a cheapadh do gach leanbh agus duine óg i gcásanna cúram leanaí. Cinnteoidh é seo go gcuirtear dearcadh linbh in iúl i gcónaí go héifeachtach don Chúirt in imeachtaí cúirte cúram leanaí.
“Tá an Bille ina thoradh ar ghealltanas an Rialtais chun athbhreithniú a dhéanamh ar an bhforáil a dhéantar faoi láthair do Chaomhnóir ad litem. Cuireann sé feabhas suntasach ar an reachtaíocht reatha lena chinntiú go seastar le cearta uile leanaí leochaileacha in imeachtaí cúram leanaí. I gcomhthráth leis na hathchóirithe riachtanacha reachtaíochta a thabhairt chun cinn, beartaím, le cabhair ó na páirtithe leasmhara ábhartha, chun dul i gcomhairle le leanaí agus daoine óga sna míonna amach romhainn maidir le saghas na seirbhíse Caomhnóra ad litem a sholáthrófar. Cuirfidh seo eolas ar fáil do ghnéithe nós imeachta na seirbhíse nua.
“Bronntar sa Bhille seo an bonn reachtúil orm chun seirbhís náisiúnta ardchaighdeáin, agus inbhuanaithe Chaomhnóra ad litem a chur i bhfeidhm laistigh de mo Roinn agus lena chinntiú go dtugtar an deis do na leanaí go léir atá bainteach in imeachtaí cúram leanaí go gcloistear a nglór agus go dtugtar an aird chuí ar a sárleasanna.”
An Bille um Chúram Leanaí (Leasú), 2019:
CRÍOCH
Caomhnóirí ad litem (CALanna)
Ceapann breithiúna caomhnóirí ad litem (CALanna) in imeachtaí cúram leanaí faoi Alt 26 den Acht um Chúram Leanaí, 1991, arna leasú. Beartaítear go gcuirfidh CALanna feabhas ar chumas cinnteoireachta na cúirte in imeachtaí cúram leanaí. Is éard a bheidh i ról agus croífheidhmeanna an Chaomhnóra ad litem ná an chúirt a chur ar an eolas ar aon dearcthaí ar mian leis an leanbh a chur in iúl agus lena thabhairt le fios don chúirt an méid a théann chun sárleasanna an linbh, ina t(h)uairim ghairmiúil.
Foráiltear do shocruithe caomhnóra ad litem faoi láthair do leanaí atá mar ábhar imeachtaí cúram leanaí dlí phoiblí faoi Alt 26 den Acht um Chúram Leanaí, 1991, dar tosach feidhme an 31 Deireadh Fómhair 1995.
Is é ról an Chaomhnóra ad litem chun mianta, mothúcháin agus leasanna an linbh a dheimhniú go neamhspleách agus iad a chur i láthair na cúirte le moltaí.
Ina thaobh seo, bailíonn an Caomhnóir ad litem faisnéis faoi chás an linbh agus tugann sé/sí faisnéis don leanbh faoi phróiseas na cúirte. Déanann an Caomhnóir ad litem idirchaidreamh leis an leanbh lena dheimhniú a m(h)ianta agus a m(h)othúcháin. Téann siad i gcomhairle le hoibrithe sóisialta, tuismitheoirí, cúramóirí agus daoine eile i dtaca leis an leanbh. Freastalaíonn siad ar chomhdhálacha agus athbhreithnithe leasa, cruinnithe sa chúirt agus comhdhálacha cáis. Cuireann siad mianta, leasanna agus cearta an linbh chun cinn laistigh de limistéar na cúirte.
Tá thart ar 75 Caomhnóir ad litem ann faoi láthair a oibríonn ar fud na hÉireann.