Tá an Scéim Tacaíochta do Thithe Altranais i bhfeidhm ó 2009 i leith. Amhail an 31 Nollaig 2020, bhí 22,755 duine rannpháirteach sa Scéim ar chostas bliantúil díreach os cionn €1 billiún. Ranníocann rannpháirtithe sa Scéim suas le 80% dá n-ioncam inmheasúnaithe agus uasmhéid de 7.5% in aghaidh na bliana de luach na sócmhainní a choinnítear. I gcás lánúine, déantar acmhainn an iarratasóra a mheas mar 50% d’ioncam agus de shócmhainní comhcheangailte na lánúine. Ní áirítear an chéad €36,000 de shócmhainní duine aonair, nó €72,000 i gcás lánúine, sa mheasúnú airgeadais ar chor ar bith.