Preasráitis
Iarrann an tAire McConalogue réitigh uile-Eorpacha chun tacú leis an Úcráin
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Roimh Chruinniú na Comhairle Talmhaíochta agus Iascaigh i Lucsamburg i mí Dheireadh Fómhair, áit a dtabharfar deis d’Aire Talmhaíochta na hÚcráine, an tUasal Mykola Solskyi, eolas a thabhairt don Chomhairle, iarrann an tAire McConalogue tacaíocht leanúnach Eorpach don Úcráin.
“Ba mhaith liom tacaíocht leanúnach na hÉireann don Úcráin a chur in iúl. Ní mór dúinn leanúint ar aghaidh ag cinntiú réitigh uile-Eorpacha chun tacú leis an Úcráin, bunaithe ar chomhairliúchán agus idirphlé trédhearcach leis na Ballstáit uile, agus aghaidh á tabhairt ar aon tionchar ar mhargaí na hEorpa.
Agus é ag caint faoi éagobhsaíocht an mhargaidh, dúirt an tAire
“Is é an príomhdhúshlán atá roimh mhargaí talmhaíochta sa lá atá inniu ann ná an éagobhsaíocht dhomhanda leanúnach agus an neamhchinnteacht is cúis leis seo. Cé go dteastaíonn bearta láithreacha uainn chun dul i ngleic le geiteanna, go bunúsach ní mór dúinn leanúint ar aghaidh ag déanamh forbairt ar theacht aniar níos fearr agus ar inbhuanaitheacht fhadtéarmach.”
Labhair an tAire McConalogue freisin i dtaca leis an togra lena leasaítear an Creat-Treoir Dramhaíola ag rá:
“Tacaíonn Éire tríd is tríd le cuspóirí foriomlána an athbhreithnithe ar an Treoir atá beartaithe. Tacóidh an togra seo le roinnt gealltanas maidir le geilleagar ciorclach na hÉireann a bhaineann le dramhaíl bia.
“Laistigh de straitéis deich mbliana na hÉireann don earnáil Agraibhia, Fís don Bhia 2030, tá tiomantas chun dramhaíl bia a laghdú faoina leath roimh 2030. Cé nach raibh i dtáirgeadh príomhúil ach 9% de dhramhaíl bia na hÉireann in 2020, tá sé tábhachtach go ndéanann gach earnáil a gcion féin chun a gcuid dramhaíola bia a laghdú. Táimid go léir mar chuid den bhiashlabhra agus tá ról le himirt againn go léir.”
CRÍOCH