Foilsithe
An t-eolas is déanaí
D'fháiltigh an tAire Meabhairshláinte agus Daoine Aosta Mary Butler TD roimh oscailt an phróisis earcaíochta an tseachtain seo don phost mar Cheannaire Meabhairshláinte Leanaí agus Óige i FSS. Soláthróidh an príomhról nua seo ceannaireacht, maoirseacht oibríochtúil, agus bainistíocht tarmligthe ar gach seachadadh seirbhíse ar fud seirbhísí meabhairshláinte leanaí agus óige ar fud na tíre.
Beidh sé/sí freagrach freisin as gníomhaíochtaí pleanála seirbhíse a bhainistiú agus a chomhordú, comhpháirtíocht agus tógáil acmhainne, pleananna seirbhíse a fhorbairt, agus caighdeáin seirbhíse a shocrú ar fud na seirbhísí meabhairshláinte leanaí agus óige in Éirinn.
Tuairisceoidh sealbhóir an phoist do Stiúrthóir Náisiúnta FSS um Oibríochtaí Pobail agus gheobhaidh sé/sí tacaíocht ó fhoireann thiomanta a bhfuil cistiú curtha ar fáil di.
Mar thoradh ar an ról seo, agus ar an oifig meabhairshláinte níos leithne do Leanaí agus don Óige, beidh naisc fheabhsaithe le Grúpa Comhairleoirí Cliniciúla Náisiúnta Meabhairshláinte, rud a thacóidh le forbairt na gClár Cliniciúil Náisiúnta a bhaineann le meabhairshláinte na n-óg.
Dúirt an tAire Butler:
“Tá an-áthas orm a fheiceáil go bhfuil an ról ríthábhachtach nua seo fógartha anois ag FSS. Bhí dul chun cinn an róil seo ina phríomhthosaíocht dom le bliain anuas, agus beidh ról ríthábhachtach aige chun a chinntiú go mbeidh fócas níos láraithe agus níos fianaise-bhunaithe laistigh ag seirbhísí meabhairshláinte comhtháite do dhaoine óga laistigh de FSS.
“Feicfimid na hathbhreithnithe agus na hiniúchtaí críochnaithe a d'eascair as Tuarascáil Maskey, mar aon le Tuarascáil Deiridh an Choimisiúin Meabhairshláinte ar CAMHS níos déanaí i mbliana, a thabharfaidh le chéile sonraí fíor-ama dúinn nach raibh ar fáil riamh roimhe seo chun tacú leis an bpost nua seo. Rud atá tábhachtach, beidh foireann tacaíochta nua ann chun tacú leis an tionscnamh seo agus fáilte a chur roimhe. Cinnteoidh mé go ndéanfaidh FSS dul chun cinn chomh tapa agus is féidir ar phost nua Ceannaire Cliniciúil Náisiúnta do Mheabhairshláinte na nÓg mar a fógraíodh sa Dáil le seachtain anuas”.
Dúirt Yvonne O'Neill Uasal, Stiúrthóir Náisiúnta Oibríochtaí Pobail, FSS:
“Is acmhainn thiomnaithe í seo i ndáiríre chun tacú leis an obair leanúnach feabhsúcháin i seirbhísí meabhairshláinte leanaí agus óige. Is céim shuntasach í seo freisin chun an beartas Comhfhís a chur i bhfeidhm."
Tá an Stiúrthóir Náisiúnta Cúnta, Ceannaire Meabhairshláinte Leanaí agus Óige á fhógairt faoi láthair trí láithreán gréasáin FSS.