Preasráitis
Cuirenan an tAire Anne Rabbitte fáilte roimh shoiléireacht FSS maidir leis an bprótacal do Mheasúnú ar Riachtanais leanaí agus daoine óga
Foilsithe
An t-eolas is déanaí
Foilsithe
An t-eolas is déanaí
D’fháiltigh an tAire Stáit do Mhíchumas, Anne Rabbitte TD, inniu roimh an soiléiriú a chuir FSS ar fáil don Roinn Sláinte maidir leis an nós imeachta eatramhach atá á chur i bhfeidhm maidir le Measúnú ar Riachtanais leanaí agus daoine óga atá faoi mhíchumas.
Tagann na tuairimí tar éis bhreithiúnas na hArd-Chúirte an 11 Márta 2022, a ina bhfuarthas amach nach gcomhlíonann an cur chuige Réamh-Mheasúnaithe Foirne (PTA) faoin Nós Imeachta Caighdeánach Oibriúcháin (SOP) do Mheasúnú Riachtanas (MR) ceanglais an Achta um Míchumas, 2005.
Dúirt an tAire Rabbitte
“Tá sé chomh tábhachtach go mbeadh a fhios ag tuismitheoirí agus teaghlaigh céard iad na socruithe atá i bhfeidhm anois tar éis bhreithiúnas na hArd-Chúirte maidir leis an bpróiseas Measúnaithe Riachtanas (AON). Tá sé deimhnithe ag an FSS go mbeidh sé ag filleadh ar an bpróiseas réamh-Eanáir 2020, chun rochtain a thabhairt do leanaí agus do theaghlaigh ar mheasúnuithe. Is beart eatramhach é seo, go dtí go bhforbrófar SOP nua, a fhorbrófar i gcomhar le páirtithe leasmhara chun a chinntiú go gcomhlíonfar ceanglais an Achta um Míchumas (2005) go hiomlán. Tá FSS tar éis gach ball foirne ábhartha in Eagraíochtaí Cúraim Sláinte Pobail a chur ar an eolas faoin nós imeachta eatramhach agus ba chóir go ndéanfaí measúnuithe de réir an chur chuige réamh-2020.
“Tá grúpa bunaithe ag an FSS chun na hathruithe a theastaíonn anois ar an tseirbhís AON a fhorbairt, a chur i bhfeidhm agus a mhaoirsiú. Ní mór go mbeadh cumarsáid le teaghlaigh agus ar son na dteaghlach mar phríomhfhócas ag an FSS agus tá sé seo curtha i gcuimhne agam dóibh cúpla uair. Tá sé ráite ag FSS go gcosnóidh aon phróiseas nua an tiomantas do sholáthar tacaíochtaí teiripe tráthúil agus cuí do leanaí agus do theaghlaigh. Tá sé ráite ag an FSS go gcosnóidh aon phróiseas nua an tiomantas do sholáthar tacaíochtaí teiripe tráthúil agus cuí do leanaí agus do theaghlaigh.’’
“Táim i dteagmháil freisin leis an FSS maidir le roghanna atá ann chun aghaidh a thabhairt ar an liosta feithimh do Mheasúnú ar Riachtanais. Tá sé léirithe cheana féin ag infheistíocht sa réimse seo gur féidir dul i ngleic go héifeachtach leis na liostaí agus mar sin tá fonn orm dul chun cinn a fheiceáil sa réimse sin chun a chinntiú go dtugtar tacaíocht chomh mór agus is féidir do theaghlaigh agus do leanaí. Tá maoiniú breise de €1.5m sínithe agam cheana féin le haghaidh thart ar 1,000 measúnú diagnóiseach ar uathachas. Táim tiomanta go láidir oibriú go dlúth le hoifigigh shinsearacha sa Roinn Sláinte agus i FSS ar na saincheisteanna seo.’’
“Chomh maith leis na tionscnaimh láithreacha agus fadtéarmacha seo, leanann iarrachtaí ar raon beart chun feabhas a chur ar sheirbhísí, agus tá an soláthar foirne ina phríomhréimse ann. Tá soláthar á dhéanamh agam don FSS chun 375 ball foirne a earcú d’Fhoirne Líonra Míchumais Leanaí ar fud na tíre. Áirítear leis seo Síceolaithe Cúnta agus foireann riaracháin a cheapadh."