Preasráitis
Fógraíonn an tAire Sláinte glao le haghaidh léirithe spéise do bhallraíocht den Choiste Comhairleach um Othair Ailse
Foilsithe
An t-eolas is déanaí
Foilsithe
An t-eolas is déanaí
D'fhógair an tAire Sláinte, Stephen Donnelly TD, inniu glao le haghaidh léirithe spéise do bhallraíocht ar an gCoiste Comhairleach um Othair Ailse.
Bunaíodh an Coiste Comhairleach um Othair Ailse in 2019 chun ionchur a sholáthar i bhforbairt clár d'othair a bhfuil ailse orthu.
Tá sé comhdhéanta go príomha de dhaoine a bhfuil taithí dhíreach acu ar chóireáil ailse, mar othair nó iad siúd a thacaíonn le hothair ailse nó iad siúd a thugann tacaíocht d'othair ailse mar chuid dá gcuid oibre.
Ag seoladh an ghlao le haghaidh léirithe spéise, dúirt an tAire Donnelly:
“Cuidíonn ionchur an Choiste Chomhairligh um Othair Ailse i gceapadh agus i bpleanáil beartas lena chinntiú go leanann ár seirbhísí ailse ag freastal ar riachtanais na ndaoine atá ag maireachtáil le hailse agus ina diaidh go dtí an caighdeán is airde is féidir. Ba mhaith liom buíochas a ghabháil le baill an Choiste as a dtiomantas agus a gcion go dtí seo.Bhí sé seo thar a bheith luachmhar maidir le hionchur díreach agus éifeachtach othar ailse a sholáthar i bhforbairt clár agus seirbhísí.”
Dúirt Noelle Duddy, ball den Choiste:
"Toisc go bhfuil taithí againn ar dhiagnóis ailse a fháil, tagaimid le chéile ag an gCoiste Comhairleach um Othair Ailse, chun ár dtuairimí agus saineolas a thabhairt chun go mbeidh tionchar acu ar chleachtais agus do bheartais ailse. Dá bhrí sin, tá athrú ag teacht dá bharr, trí fheabhas a chur ar chóireálacha agus ar thorthaí othar ailse. Buailimid le chéile i gcomhpháirtíocht leis an Roinn Sláinte, leis an gClár Náisiúnta Rialaithe Ailse agus le FSS. Ba mhór an onóir dom a bheith ar an gCoiste Comhairleach um Othair Ailse."
Mairfidh an tréimhse iarratais go dtí an 15 Eanáir 2024. Tá tuilleadh faisnéise faoin gCoiste ar fáil anseo. Tá téacs iomlán na Straitéise Náisiúnta Ailse ar fáil freisin.
Is iad ceithre aidhm uileghabhálach na Straitéise Náisiúnta Ailse ná:
Bunaíodh an Coiste Comhairleach um Othair Ailse in 2019, de réir Mholadh 39 den Straitéis Náisiúnta Ailse 2017 -2026, a deir: “Bunóidh an Roinn Sláinte Coiste Comhairleach um Othair Ailse chun ionchur a sholáthar i bhforbairt clár d'othair a bhfuil ailse orthu."
Léireoidh ballraíocht an choiste seo cineál éagsúil na n-othar ailse atá ag maireachtáil le héifeachtaí ailse agus cinnteoidh siad go ndéanfar ionadaíocht ar riachtanais na n-othar ailse a chónaíonn i gceantair iargúlta.
Tá 15 ball ar an gCoiste, chomh maith le Cathaoirleach (An Roinn Sláinte). Freastalaíonn ionadaí ón gClár Náisiúnta um Rialú Ailse ar chruinnithe an Choiste. D'eascair na folúntais atá le líonadh ó láimhdeachas beartaithe sa bhallraíocht.
Déanfaidh grúpa ar a mbeidh ionadaithe ó Chumann Ailse na hÉireann, Clár Náisiúnta um Rialú Ailse FSS, an Roinn Sláinte agus ball d’Fhóram na nOthar Ailse an próiseas roghnúcháin.