Ráiteas ón bhFoireann Éigeandála Sláinte Poiblí Náisiúnta - Dé Luain, an 18 Bealtaine 2020
Foilsithe
An t-eolas is déanaí
Foilsithe
An t-eolas is déanaí
Cuireadh an tIonad Faireachais um Chosaint Sláinte (an IFCS) ar an eolas inniu go bhfuil bás faighte ag 4 dhuine, ar an iomlán, mar gheall ar COVID-19.
Tá 1,547 duine, ar an iomlán, tar éis bás a fháil in Éirinn go dtí seo a bhain le COVID-19.
Amhail 11am Dé Luain, an 18 Bealtaine, cuireadh an IFCS ar an eolas ar 88 cás nua deimhnithe de COVID-19. Tá 24,200 cás deimhnithe, ar an iomlán, de COVID-19 ann anois in Éirinn.
Tá FSS ag oibriú chun aon teagmhálacha a d’fhéadfadh na hothair a dhéanamh a shainaithint chun eolas agus comhairle a sholáthar dóibh chun cosc a chur ar an víreas a scaipeadh níos mó.
Tugann sonraí an lae inniu ón IFCS amhail meán oíche, Dé Sathairn, an 16 Bealtaine (24,036 cás), an méid seo a leanas le fios:
Dúirt an Dr Tony Holohan, an Príomhoifigeach Leighis, an Roinn Sláinte:
"Ar an gcéad lá inar aistríodh Éire isteach i gCéim a hAon den athoscailt, thugamar an líon ab ísle básanna faoi deara ó bhí an 27 Márta ann. Tá an víreas curtha faoi chois againn agus chuireamar teorainn ar an tionchar a d’imir sé ar shláinte an phobail. Is gá dúinn leanúint leis seo a dhéanamh sna seachtainí agus sna céimeanna amach romhainn."
Dúirt an Dr Ronan Glynn, an Leas-Phríomhoifigeach Leighis:
"Bás amháin iomarcach é gach bás, ach thug an chomhiarracht a rinneadh go dtí seo saol go leor daoine slán. Caithfimid saol níos mó daoine a thabhairt slán trí scaradh fisiciúil a dhéanamh, go háirithe i scuainí agus spásanna poiblí agus trí bhéasaíocht riospráide agus níochán lámh."
Dúirt an Dr Siobhán Ní Bhriain, Síciatraí Comhairleach agus Ceannasaí Cúraim Chomhtháite FSS:
"Agus sinn ag aistriú isteach i gcéim nua i bhfreagairt na hÉireann do COVID-19, tá deis anois againn chun ár ngníomhaíocht aclaíochta a mhéadú a mhéid le 5 chiliméadar agus bheith i dteannta carad lasmuigh den teaghlach. Spreagfainn duine ar bith ar féidir leo chun leas a bhaint as seo chun feabhas a chur ar mheabhairshláinte agus folláine."
CRÍOCH