Preasráitis
Lá an Oideasaithe Sóisialta - Folláine agus cáilíocht beatha méadaithe d'úsáideoirí seirbhíse Oideasaithe Sóisialta Phort Láirge
Foilsithe
An t-eolas is déanaí
Foilsithe
An t-eolas is déanaí
D’fháiltigh an tAire Sláinte, Stephen Donnelly TD agus an tAire Stáit le freagracht as Sláinte Poiblí, Folláine agus an Straitéis Náisiúnta Frithdhrugaí, Frank Feighan TD roimh leathnú an mhaoinithe do thionscadal Chiste Lánpháirtíochta Sláintecare – Méadú ar Sheirbhís Oideasaithe Sóisialta Phort Láirge i bPort Láirge in 2022.
Oibríonn Seirbhís Oideasaithe Sóisialta Phort Láirge le daoine fásta a bhféadfadh deacrachtaí meabhairshláinte, riochtaí sláinte fadtéarmacha, saincheisteanna sóisialta, uaigneas agus/nó aonrú sóisialta a bheith acu.
Tugann sé deis do sholáthraithe seirbhíse sláinte agus d'oibrithe pobail daoine a nascadh le foinsí tacaíochta neamh-leighis laistigh den phobal chun folláine choirp, mhothúchánach agus mheabhrach a fheabhsú.
Atreoraíonn Dochtúirí Teaghlaigh, Foirne Cúraim Phríomhúil, gairmithe Míochaine agus Cúraim Shóisialaigh na húsáideoirí seirbhíse agus trí fhéin-atreoraithe. Tá an tseirbhís á reáchtáil ag Ionad Acmhainní Teaghlaigh an Chroí Rónaofa.
Dúirt Heather Kiely, Bainisteoir Tionscadail le Ionad Acmhainní Teaghlaigh an Chroí Rónaofa:
“D’oibrigh Oideasóir Sóisialta lánaimseartha amháin leis an tseirbhís i gCathair Phort Láirge, agus mar chuid d’fhairsingiú na seirbhíse chuig an gcontae fuarthas maoiniú do cheann eile ó Chiste Comhtháthaithe Sláintecare. Tá maoiniú chun leanúint leis an tionscadal in 2022 á chur ar fáil faoin gCreat nua um Phobail Shláintiúla agus freisin maoiniú díreach ó FSS”.
Le linn an ama a bhfuair an tionscadal maoiniú Sláintecare, baineadh amach na torthaí seo a leanas:
Dúirt an tAire Donnelly:
“Taispeánann na torthaí a bhain an tionscadal seo amach an tábhacht a bhaineann le daoine a nascadh le tacaíochtaí neamh-leighis ina bpobal. Is léir go dtugann Dochtúirí Teaghlaigh, Foirne Cúraim Phríomhúil agus gairmithe Sláinte agus Cúraim Shóisialaigh ag atreorú daoine chuig seirbhísí pobail tacaíocht do dhaoine chun a riocht a bhainistiú agus fanacht sláintiúil ina bpobal. Cuimsíonn an cur chuige duine-lárnach seo prionsabail Sláintecare”.
Dúirt an tAire Feighan: “Seirbhís iontach í seo a threoraíonn úsáideoirí seirbhíse chuig na tacaíochtaí pobail atá ar fáil ina gceantar. Ag baint úsáide as cur chuige comhpháirtíochta, tá Oideasú Sóisialta Phort Láirge ag obair le heagraíochtaí deonacha FSS eile chun sláinte agus folláine a chur chun cinn ar fud Phort Láirge".
Dúirt Nicola Spendlove, Comhordaitheoir Oideas Sóisialta Chathair Phort Láirge:
“Tá raon leathan nasc forbartha againn le seirbhísí agus tacaíochtaí cuí agus atreoraíonn muid ár n-úsáideoirí seirbhíse chuig tacaíochtaí pobalbhunaithe eile mar ALONE, Foirne Freagartha Pobail FSS agus an Clár um Mhaireachtáil Folláin”.
Labhraíonn úsáideoir seirbhíse Leon san fhíseán faoina thuras le hoideasú sóisialta, agus faoin gcaoi ar thacaigh an tseirbhís leis a ghrúpa fichille pobail féin a bhunú agus a reáchtáil.
D’oibrigh Fiona Laffan, Comhordaitheoir Oideasú Sóisialta Chontae Phort Láirge, le hÚsáideoir Seirbhíse Ursula chun í a nascadh le ranganna ríomhaireachta agus gníomhaíochtaí sóisialta ar nós siúlóidí grúpa agus maidineacha caifé, rud a mhéadaigh a féinmhuinín.
Tá daoine gan áireamh eile ar fud phobal Phort Láirge tar éis leas a bhaint as na buntáistí a bhaineann lena rannpháirtíocht le Seirbhís Oideasaithe Sóisialta Phort Láirge. Chuir an treoir agus an tacaíocht shaincheaptha a sholáthraíonn na comhordaitheoirí ar chumas úsáideoirí na seirbhíse a n-acmhainneacht shóisialta a bhaint amach i ndáiríre, agus na buntáistí sláinte iomadúla a bhaineann le mothú mar bhall luachmhar den phobal a nochtadh.
Dúirt Mary Butler, TD áitiúil agus an tAire Stáit le freagracht as Meabhairshláinte:
“Is acmhainn luachmhar í an oideasú sóisialta do dhaoine aonair a d'fhéadfadh a bheith scoite amach mar mhalairt ar chógas i gcásanna áirithe, is mian liom moladh a thabhairt dóibh siúd a oibríonn san eagraíocht as na torthaí dearfacha atá bainte amach acu d'úsáideoirí seirbhíse”.
Deir Derval Howley Ceannaire Sláinte & Folláine Cúram Sláinte Pobail an Oirdheiscirt:
“Léirigh Oideasú Sóisialta Phort Láirge mar an chéad seirbhís don Oirdheisceart na torthaí folláine is féidir a bhaint amach nuair a oibríonn na hearnálacha pobail agus sláinte le chéile. Tá áthas orainn anois Seirbhís Oideasaithe Sóisialta a bheith againn sna cúig chontae san Oirdheisceart.”
Bunaithe ar a dtaithí go dtí seo agus ar aiseolas ó ghairmithe sláinte, tá sé beartaithe ag an tionscadal leathnú chuig forbairt na seirbhíse amach anseo chun leanaí agus daoine óga a chuimsiú.
Tá Oideasú Sóisialta nua go leor in Éirinn. Tá sé bunaithe sa phobal agus nascann sé daoine le riochtaí sláinte ainsealacha mar riochtaí croí, diaibéiteas, COPD agus saincheisteanna meabhairshláinte le foinsí tacaíochta ina bpobal chun a bhfolláine fhisiciúil agus mhothúchánach a fheabhsú. Is féidir le hOideasú Sóisialta othair a nascadh le grúpaí aclaíochta pobalbhunaithe, ranganna cócaireachta, litearthacht dhigiteach, gníomhaíochtaí ceoil agus cruthaitheacha, tacaíochtaí fostaíochta, agus imeachtaí sóisialta i measc go leor eile.
Is é an 10 Márta Lá um Oideasú Sóisialta. Thacaigh Ciste Comhtháthaithe Sláintecare le seacht dtionscadal Oideasaithe Sóisialta ar fud na hÉireann. Tugann Oideas Sóisialta aghaidh ar go leor de na spriocanna atá ag Sláintecare. Cruthaíonn sé deiseanna do dhaoine a bheith páirteach i gcúram a thabhairt dá sláinte agus dá bhfolláine féin, cruthaíonn sé naisc idir cúram pobail agus cúram leighis, agus laghdaíonn sé an gá atá le daoine coinní leighis a lorg lena ndochtúir teaghlaigh nó freastal ar ospidéal le haghaidh cúraim dá riochtaí ainsealacha.
CRÍOCH