Forlíonadh Deiridh i Sraith an Chéid Irish Times a dáileadh ar scoileanna faoi Chlár Dheich mBliana na gCuimhneachán
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Ó An Roinn Turasóireachta, Cultúir, Ealaíon, Gaeltachta, Spóirt agus Meán
Foilsithe
An t-eolas is déanaí
Inniu, (Dé Máirt, an 2 Bealtaine 2023), d’fháiltigh an tAire Turasóireachta, Cultúir, Ealaíon, Gaeltachta, Spóirt agus Meán, Catherine Martin TD, roimh fhoilsiú fhorlíonadh Century The Irish Times 2023. Déanfar an acmhainn thábhachtach seo a dháileadh ar bhunscoileanna agus ar iar-bhunscoileanna ar fud na tíre mar chuid de Shraith Stairiúil Chlár Dheich mBliana na gCuimhneachán 2012-2023, a mhaoiníonn an Roinn Turasóireachta, Cultúir, Ealaíon, Gaeltachta, Spóirt agus Meán.
Tá sraith forlíontaí speisialta á bhfoilsiú ag The Irish Times ó 2013 i leith chun Deich mBliana na gCuimhneachán a chomóradh.
Sa bhliain dheireanach seo de chlár Dheich mBliana na gCuimhneachán tugann forlíonadh Century aghaidh ar chuid de na príomhimeachtaí agus daoine a raibh ról suntasach acu in imeachtaí 1923 ach ar na Deich mBliana réabhlóideacha níos leithne i stair na hÉireann chomh maith. Áiríonn sé seo imeachtaí agus téamaí a bhaineann le Cogadh Cathartha na hÉireann, a chríoch ar deireadh thiar agus na dúshláin agus na próisis a bhaineann le bunú Stáit nua.
Dúirt an tAire Martin:
“Mar Aire le freagracht as Clár Dheich mBliana na gCuimhneachán a threorú, tá lúcháir orm fáilte a chur roimh fhoilsiú Fhorlíonadh Century The Irish Times 2023.
“Ligfidh an acmhainn thábhachtach seo do léitheoirí, agus go háirithe do dhaoine óga, foghlaim faoi imeachtaí 100 bliain ó shin ar bhealach cothrom le tacaíocht ó thaighde stairiúil agus ó bhunfhoinsí.
“Ceann de phríomhaidhmeanna Chlár Dheich mBliana na gCuimhneachán is ea deiseanna éagsúla agus suimiúla a sholáthar a spreagfaidh daoine de gach aois chun an tréimhse chasta íogair seo i stair na hÉireann a fhiosrú.
“Mhol an Sainghrúpa Comhairleach ar Chuimhneacháin, a bhfuil an Dr Maurice Manning ina Chathaoirleach air, gur gá tacaíocht chuí a thabhairt do dhaoine óga chun foghlaim faoin tréimhse shuntasach seo a bhíonn uaireanta deighilteach, anacrach agus íogair inár gcuid staire. Tá áthas orm arís i mbliana tacú le dáileadh na hacmhainne seo ar gach bunscoil agus iar-bhunscoil agus táim buíoch den Roinn Oideachais as a gcúnamh sa phróiseas go dtí seo.
"Táim buíoch den Irish Times as a gcur chuige cuimsitheach, machnamhach cruthaitheach agus iad ag scrúdú agus ag cuimhneamh ar na himeachtaí suntasacha a chomóraimid le linn Dheich mBliana na gCuimhneachán. Is acmhainn oidhreachta thábhachtach agus mhealltach é forlíonadh ‘Century’.”
Nótaí don eagarthóir:
Beidh an forlíonadh ar fáil ar líne freisin laistigh d’aip Digital Edition agus ar an suíomh gréasáin, www.irishtimes.com , ar feadh Deich mBliana na gCuimhneachán agus beidh sé ar fáil do gach síntiúsóir.
Tá Clár Dheich mBliana na gCuimhneachán 2023 ar fáil i mBéarla agus i nGaeilge ar https://www.decadeofcentenaries.com/