Preasráitis
Ráiteas ón Roinn Talmhaíochta, Bia agus Mara maidir le clár RTÉ Investigates
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Tá craoladh an chláir “Horses: Making a Killing”, de chuid RTÉ Investigates a bhí ar siúl inniu Dé Céadaoin an 12 Meitheamh, tugtha faoi deara ag an Roinn Talmhaíochta, Bia agus Mara.
Glacann an Roinn le cúrsaí leasa eachaí agus sláine an bhiashlabhra go hiontach dáiríre. Tá leas na gcapall cosanta ag reachtaíocht, ag cur freagrachta ar úinéirí agus orthu siúd a bhfuil ainmhithe ina seilbh nó faoina gcúram chun leas na n-ainmhithe a chinntiú. Cinntítear leis an reachtaíocht seo freisin go ndéanfaidh an t-údarás inniúil ábhartha beart forfheidhmiúcháin iomchuí i gcás ina sainaithneofar sáruithe nó easnaimh.
Mar a aithnítear i gclár an rialtais, tá inrianaitheacht láidir riachtanach chun leas eachaí a chinntiú agus dá bhrí sin tá feabhas a chur ar inrianaitheacht eachaí ina thosaíocht ag an Roinn agus tá sé ina thosaíocht ag an Roinn ar fad. Gníomhaítear agus fiosraítear aon tuairisc ar shaincheisteanna leasa nó inrianaitheachta a fhaigheann an Roinn de réir mar is cuí.
Dúirt an tAire McConalogue
“ D'fhéach mé ar an gclár RTÉ Investigates tráthnóna, clár ina raibh roinnt íomhánna suaithinseacha ann. Táim ag glacadh leis an ábhar seo go han-dáiríre. Tá tús curtha ag mo Roinn cheana féin le himscrúdú le seachtainí beaga anuas a bhaineann le soláthar each lena marú, agus baineann gnéithe den imscrúdú leanúnach le cuid de na gníomhaíochtaí craolacháin. Fiosróidh mo Roinn go críochnúil aon líomhain nua nó fianaise ar mhíchleachtas nó líomhaintí faoi ghníomhaíocht mhídhleathach i dtionscal na n-eachaí a nocht an clár.”
Tá sé mar bheartas ag an Roinn gach líomhain faoi iompar mídhleathach nó coiriúil a fhiosrú agus comhaid a ullmhú le haghaidh ionchúisimh nuair is cuí.
CRÍOCH