Preasráitis
Fáiltíonn an tAire McConalogue roimh an gcéad chruinniú de Ghrúpa Déiríochta na Físe don Bhia
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Rinne an tAire Talmhaíochta, Bia agus Mara, Charlie McConalogue, TD, fáilte a chur inniu (an 7 Feabhra) roimh chéad chruinniú Ghrúpa Déiríochta na Físe don Bhia.
Chas an Grúpa, ina bhfuil príomhpháirtithe leasmhara ón earnáil déiríochta agus ar a ndéanann an tOllamh Gerry Boyle cathaoirleacht le chéile le plé a dhéanamh ar conas is féidir leis an e cur leis na spriocanna dúshlánacha a bhaint amach a leagadh amach don earnáil talmhaíochta faoi phróiseas an Achta um Ghníomhú Aeráide.
Agus an grúpa seo á bhunú aige, thug an tAire McConalogue le fios gur cheart don Ghrúpa tús áite a thabhairt i dtosach báire, ar aon dul le straitéis na Físe don Bhia 2030, do
“plean mionsonraithe a tháirgeadh faoi Ráithe 2 2022 le lorg coise inbhuanaithe comhshaoil na hearnála déiríochta a bhainistiú”.
Nuair a chuirtear an tábhacht san áireamh a bhaineann le cinnteacht a sholáthar don earnáil, leagadh an dualgas ar an ngrúpa tuarascáil tosaigh a sholáthar don Aire faoi dheireadh mhí an Mhárta ina leagtar amach conas is féidir astaíochtaí a bhaineann leis an earnáil déiríochta a chobhsú, agus a laghdú ansin, agus tá plean deiridh le seoladh ar aghaidh faoi dheireadh ráithe a dó in 2022.
Ghabh an tAire McConalogue buíochas le cathaoirleach an Ghrúpa, an tOllamh Gerry Boyle, as glacadh leis an ról tábhachtach seo agus le comhaltaí an Ghrúpa as a rannpháirtíocht ghníomhach sa phlé.
Dúirt an tAire McConalogue:
“Táim muiníneach gur féidir linn astaíochtaí ón earnáil déiríochta a chobhsú agus a laghdú ansin trí oibriú le chéile, agus Éire a shuíomh mar cheannaire domhanda i dtaobh córais bhia inbhuanaithe, agus ár spriocanna aeráide á mbaint amach againn, agus a chinntiú go gcuireann an margadh luaíocht ar fáil dár mbia ardchaighdeáin, a tháirgtear go hinbhuanaithe, go háirithe dár bhfeirmeoirí, agus dá dteaghlaigh, arb iad bunchloch na hearnála.
“Is mian linn a chinntiú go leanaimid le hearnáil a bheith ann atá beoga agus mealltach d’iontrálaithe nua. Tá orainn smaoineamh faoi conas a chinntímid go bhfuil spás ann le haghaidh athnuachan ghlúine agus d’iontrálaithe nua san earnáil, nó dóibh siúd a bhfuil fiontair imeallacha acu chun feabhas a chur ar inmharthanacht, agus go bhfuil spás ann le nuálaíocht agus breisluach a spreagadh.
Titfidh dara cruinniú Ghrúpa Déiríochta na Físe don Bhia amach níos déanaí i bhFeabhra.
Déanfar cuir i láthair a dhéantar ag an gcruinniú ar fáil ar gov.ie
CRÍOCH