Tá na barúlacha fada, lena gcumhdaítear trí chuspóir ghinearálta CBT, na naoi gcuspóir shonracha, an cuspóir trasearnálach eolais, nuálaíochta agus digitithe, fócas straitéiseach an Phlean agus na hidirghabhálacha aonair atá molta ag Éirinn. Cuimsíonn siad meascán de bhreathnóireachtaí teicniúla ardleibhéil agus níos mionsonraithe. D'iarr an Coimisiún freisin ar na Ballstáit uile athbhreithniú a dhéanamh ar a bPleananna i gcomhthéacs na dtionchar a eascraíonn as ionradh na Rúise ar an Úcráin, agus ar an ngá atá le hathléimneacht na hearnála a neartú agus inbhuanaitheacht chomhshaoil níos fearr a bhaint amach ag an am céanna.