Ó An Roinn Talmhaíochta, Bia agus Mara
Foilsithe
An t-eolas is déanaí
D'fhógair an Aire Talmhaíochta, Bia agus Mara Charlie McConalogue inniu go bhfuil an tUasal Michael Finn agus an tUasal Jonathan Hoare ceaptha mar Chomhaltaí Fheidhmiúcháin den Údarás um Chosaint Iascaigh Mhara (ÚCIM). Leanann na ceapacháin próiseas iomaíoch earcaíochta na Seirbhíse um Cheapacháin Phoiblí (SCP) le déanaí. Beidh na Comhaltaí Fheidhmiúcháin, agus iad ag obair le Cathaoirleach Feidhmeannach an ÚCIM Paschal Hayes, i gceannas ar an ÚCIM sna blianta atá le teacht trí chlár uaillmhianach an athraithe eagraíochtúla chun cur i bhfeidhm éifeachtach agus éifeachtúil an dlí ar iascach mara agus ar shábháilteacht an bhia a sheachadadh, ag cur na comhlíontachta chun cinn ach ag brath agus ag díspreagadh an tsáraithe ag an am céanna.
Is déanaí a bhí Michael Finn ag obair mar Choimisinéir Cúnta an Gharda Síochána. Sa ról seo bhí sé freagrach as póilíneacht agus slándáil Réigiún an Deiscirt. I measc na bhfreagrachtaí a bhí air roimhe seo, bhí sé ina bhall d’Fhoireann Cheannaireachta Shinsearach an Gharda Síochána, cur leis an straitéis iomlán na heagraíochta, le pleananna na póilíneachta agus le torthaí na póilíneachta agus na slándála a sheachadadh.
Is déanaí a bhí Jonathan Hoare ag obair mar Bhainisteoir Cláir leis an bhfreagracht as comhordú agus bainistiú a dhéanamh ar chur i bhfeidhm Phlean Fiontar Réigiúnach an Iardheiscirt. Roimhe sin, bhí sé fostaithe mar Stiúrthóir Cumarsáide agus Gnóthaí Poiblí do Líonra Forbairt Áitiúil na hÉireann. Bhí róil éagsúla ag an Uasal Hoare sa tseirbhís poiblí freisin lena n-áirítear a chuid oibre le Tithe an Oireachtais agus tréimhse a chaith sé mar Chomhairleoir d'Iar-Aire Talmhaíochta, Bia agus Mara.
Agus na ceapacháin á bhfógairt aige, dúirt an tAire,
“Tá áthas orm Michael Finn agus Jonathan Hoare a cheapadh mar Chomhaltaí nua d'Údarás Feidhmiúcháin an ÚCIM. Tá muinín agam go dtabharfaidh siad aghaidh ar na dúshláin a bhaineann le heagraíocht an ÚCIM a stiúrú trí thréimhse shuntasach seo na hathraithe agus, ag an am céanna, a chinntiú go mbainfear dianchaighdeáin ceannaireacht na hearnála poiblí amach. Is casta í earnáil na rialála seo atá ag forbairt fós atá tionscal inbhuanaithe agus comhlíontach á cur chun cinn aici a thacaíonn leis na pobail cois cósta atá ag brath ar an iascaireacht agus a chuidíonn le stoic ár n-éisc a chinntiú do hiascairí na nglúine atá le teacht.”
Chuaigh an bheirt cheapacháin i mbun a gcuid poist ar an 03 Deireadh Fómhair 2022.
Bunaíodh an tÚdarás um Chosaint Iascaigh Mhara ar an 1 Eanáir 2007. Oibríonn an ÚCIM go neamhspleách d'fhonn a chuid fheidhmeanna mar atá leagtha amach thíos a chur i bhfeidhm:
Siad príomhfheidhmeanna an Údaráis ná: