Preasráitis
McConalogue chun bualadh le heagraíochtaí feirme chun staid na hÚcráine a phlé
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Tá an tAire Talmhaíochta, Bia agus Mara, Charlie McConalogue TD, tar éis iarraidh ar chruinniú leis na príomheagraíochtaí feirme chun an cur isteach ar an earnáil chomh maith le staid reatha an mhargaidh a phlé mar thoradh ar ionradh mídhleathach na Rúise ar an Úcráin.
Ag labhairt dó ar an gcruinniú, dúirt an tAire McConalogue:
“Tá mé tar éis iarraidh ar bhaill de na príomhchomhlachtaí feirmeoireachta freastal ar chruinniú i mo Roinn ar an Máirt chun an cás a mheas agus conas is féidir linn oibriú go dlúth agus go comhoibritheach san am atá le teacht.”
Deimhníodh freisin go bhfuil foireann mearfhreagartha bunaithe laistigh den Roinn, a mbeidh an tArd-Rúnaí Brendan Gleeson i gceannas uirthi agus a thuairisceoidh don Aire, bunaithe chun monatóireacht ghníomhach a dhéanamh ar an gcás atá ag teacht chun cinn.
“In amanna mar seo, is é bia an acmhainn is tábhachtaí atá againn agus mar sin, mar Roinn, táimid ag glacadh gach céime réamhghníomhaí chun a chinntiú go mbeimid lúfar agus gur féidir linn freagairt don chás seo atá ag dul i méid go tapa,” arsa an tAire McConalogue.
Níos luaithe an tseachtain seo, d’fhreastail an tAire McConalogue ar chruinniú d’Airí Talmhaíochta na hEorpa chun géarchéim na hÚcráine a phlé. Ag an gcruinniú, dheimhnigh Coimisinéir Talmhaíochta an Aontais Eorpaigh Janusz Wojciechowski go gcuirfí bearta tacaíochta margaidh faoi rialacháin Chomheagrú na Margaí ar fáil nuair is gá.
“Cuirim fáilte roimh thiomantas an Choimisinéara tacaíocht a thabhairt don earnáil talmhaíochta. Tar éis chruinniú Chomhairle Airí an Aontais Eorpaigh, scríobh mé chuig an gCoimisinéir chun a chinntiú gur féidir aon tacaíochtaí a rolladh amach go tapa chun tacú leis an earnáil. Leanfaidh mé ag obair le mo chomhghleacaithe Eorpacha chun tacaíochtaí a sholáthar más gá agus nuair a bhíonn gá leo," a dúirt an tAire mar fhocal scoir.
CRÍOCH