Preasráitis
Meabhrúchán faoi Chlárú do Mháistrí Iascaigh na hÉireann
Ó An Roinn Talmhaíochta, Bia agus Mara
Foilsithe
An t-eolas is déanaí
Ó An Roinn Talmhaíochta, Bia agus Mara
Foilsithe
An t-eolas is déanaí
Scríobh an Roinn Talmhaíochta, Bia agus Mara le déanaí chuig gach sealbhóir ceadúnais um bhád iascaigh mara in Éirinn chun a gcur ar an eolas faoin dualgas dlíthiúil atá ar mháistrí na mbád sin clárú go foirmiúil ar Chlár Máistrí Iascaigh na hÉireann (CMIÉ). Tagann a leithéid as an Acht Iascaigh Mhara (Forálacha Ilghnéitheacha), 2022 a tháinig i bhfeidhm ar an 3 Bealtaine 2022.
Tá feidhm ag an riachtanas um chlárú maidir le haon náisiúnach Éireannach nó le haon saoránach d'Éirinn arb é an máistir, an scipéir nó éinine eile atá i gceannas ar bhád iascaigh mara Éireannach faoi láthair. Eiseofar gach Máistir cláraithe le Teastas um Chlárúchán Máistir nach mór á iompar ar bord i gcónaí agus é ag gníomhú mar mháistir ar bhád iascaigh mara. Is cion é d’éinne dul i bhfeighil go dleathach ar bhád iascaigh mara muna bhfuil sé cláraithe ar an CMIÉ agus muna bhfuil a Theastas um Chlárúchán Máistir ina sheilbh aige. Is cion é aon saoránach Éireannach a fhostú go feasach mar mháistir nach bhfuil cláraithe amhlaidh ar an CMIÉ.
Tugtar cuireadh d’éinne nach bhfuil cláraithe fós a leithéid a dhéanamh.
Tá na foirmeacha iarratais ar fáil in oifigí an Mháistir Cuain ag na sé Ionad Cuain Iascaigh atá faoi úinéireacht an Stáit, atá lonnaithe i mBaile Chaisleáin Bhéarra, sa Daingean, i nDún Mór, i mBinn Éadair, i Ros an Mhíl agus sna Cealla Beaga nó ar líne ag: Irish Fishing Master Register