Foilsithe
An t-eolas is déanaí
D’fhógair an tAire Oideachais, Norma Foley, inniu go mbeadh síneadh le modúl samplóra teangacha bunscoile “Cuir Fáilte roimh Theangacha” le haghaidh bliain bhreise agus thug sí cuireadh do bhunscoileanna iarratas a chur isteach ar rannpháirtíocht sa mhodúl.
Méadófar fad an mhodúil in 2022/23 ó sé seachtaine go hocht seachtaine. Méadófar an deontas do scoileanna rannpháirteacha freisin ó €400 in aghaidh an ranga suas go huasmhéid €1,600.
Tá an modúl dírithe ar Rang 3 go Rang 6 agus is féidir leis an scoil a rogha teanga a roghnú ag brath ar a déimeagrafaic agus ar chomhthéacs na scoile. D’fhéadfaí modúl 2022/23 a úsáid chun tacú le himeascadh daltaí nua atá díreach tar éis teacht ón Úcráin chuig ár scoileanna trí Úcráinis a aithint mar cheann amháin de na teangacha sa seomra ranga nó trí roghnú chun Úcráinis a theagasc le haghaidh fhad an mhodúil. Áiríodh le teangacha a roghnaíodh in 2021/22 Fraincis, Spáinnis, ISL (Teanga Chomharthaíochta na hÉireann), Gearmáinis, Iodáilis, Mandairínis, Polainnis, Portaingéilis, Rómáinis, Araibis agus Tamailis
Dúirt an tAire Foley:
“Tá mé thar a bheith sásta le freagairt ár scoileanna ar an modúl in 2021/22. Chuir níos mó ná 500 scoil fáilte mhór agus dhearfach roimhe. Bhí an deis ag níos mó ná 40,000 dalta chun foghlaim agus chun spraoi a bheith acu trí raon teangacha, agus doirse á n-oscailt dóibh ar na teangacha a úsáideann a gcomhscoláirí.
“Rinne mé an clár a shíneadh go hocht seachtaine agus ba mhaith liom fiú níos mó scoileanna ag glacadh páirt ann i mbliana. Is buntáiste ollmhór é dár bpáistí agus dár ndaoine óga chun bheith ábalta teanga iasachta a labhairt agus chun foghlaim faoi chultúir eile. Tugtar deis uathúil dóibh tríd an gclár seo tairbhe a bhaint as foghlaim teangacha iasachta ag aois óg.
“Is gné thábhachtach é an modúl dár straitéis um theangacha iasachta a bhfuil mar aidhm aici líon na ndaltaí a mhéadú a dhéanann staidéar ar theangacha iasachta ar gach leibhéal. Is mian linn na scileanna a thabhairt dár ndaltaí a bheidh de dhíth orthu chun maireachtáil sa saol ar leibhéal domhanda, agus tugtar ní hamháin scil dár ndaltaí le teanga iasachta ach tugtar rochtain níos leithne agus tuiscint dóibh ar raon leathan de chultúir.”
Is féidir leis an múinteoir ranga sa scoil nó duine arna shainaithint ag an scoil mar theagascóir oiriúnach (mar shampla, múinteoir teanga / cúntóir teanga iasachta in iar-bhunscoil áitiúil nó ball an phobail atá líofa sa teanga roghnaithe, mar shampla, tuismitheoir, a chomhlíonann critéir na scéime) an modúl samplóra teangacha bunscoile a sholáthar.
Soláthróidh Teangacha Iar-bhunscoile Éireann (PPLI) oiliúint don mhúinteoir/theagascóir agus soláthróidh siad na hacmhainní agus tacaíochtaí riachtanacha uile do na scoileanna a sholáthróidh an modúl.
Tá faisnéis bhreise faoi na hacmhainní atá ar fáil ar shuíomh gréasáin PPLI.
Tá sonraí breise faoin modúl ar fáil iGCiorclán anseo.
Iarratas a dhéanamh: Is é an dáta deiridh le haghaidh foirmeacha iarratais chomhlánaithe a fháil 5in an 11 Bealtaine 2022.
Rinneadh an modúl samplóra teangacha bunscoile 2021/22 “Cuir Fáilte roimh Theangacha” a fheidhmiú go céimneach i dtimpeall 500 bunscoil i dtrí chéim ó Mhí na Samhna 2021. Roghnaigh scoileanna 11 teanga: Araibis, Fraincis, Gearmáinis, ISL (Teanga Chomharthaíochta na hÉireann), Iodáilis, Liotuáinis, Mandairínis, Polainnis, Portaingéilis, Rómáinis, agus Tamailis.
Is é aidhm an mhodúil:
Is é an deontas a bheidh ar fáil do scoileanna a ghlacann páirt i modúl 2022/23:
Seomra ranga amháin ag glacadh páirt, €400
2 sheomra ranga, €800
3 sheomra ranga, €1,200
4 seomra ranga nó breis is sin, €1,600
Is féidir an deontas a úsáid chun an múinteoir/teagascóir seachtrach a íoc nó nuair a chuireann an múinteoir ranga an modúl ar fáil, bainfear úsáid as chun acmhainní breise a mhaoiniú nó chun gníomhaíochtaí eile a mhaoiniú a thacaíonn le haidhmeanna an mhodúil.
Déanfar an modúl a fheidhmiú go céimneach le haghaidh ocht seachtaine chomhleanúnacha – uair amháin sa tseachtain den am ranga normálta.
Cuirfidh Teangacha Iar-bhunscoile Éireann (PPLI) oiliúint agus acmhainní ar fáil.
Tá faisnéis bhreise agus acmhainní ar fáil ar shuíomh gréasáin PPLI anseo.
Tá sonraí faoin modúl ar fáil i gCiorclán anseo anseo.
Roghnófar scoileanna bunaithe ar na nithe a leanas:
Níl rannpháirtíocht ráthaithe do gach scoil a chuireann iarratas isteach, agus bunóidh an Roinn/PPLI painéal chun iarratais a mheasúnú bunaithe ar na critéir a leanas:
Déanfaidh an Roinn iarracht chun a chinntiú go mbeidh raon geografach scoileanna ann mar aon le raon de chomhthéacsanna scoile agus na hiarratasóirí rathúla á dtabhairt chun críche. Déanfar scoileanna a mheasúnú ar bhonn na gcritéar thuas.
Cuirfear in iúl do na scoileanna a roghnófar chun páirt a ghlacadh sa chlár a luaithe is féidir roimh an 30 Meitheamh 2022.