Preasráitis
Tá araidí agus leithris bhreise le soláthar ag Údaráis Áitiúla chun tacú lenár samhradh faoin spéir
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
Ó An Roinn Tithíochta, Rialtais Áitúil agus Oidhreachta
Foilsithe
An t-eolas is déanaí
D’fháiltigh na hAirí Darragh O’Brien agus Peter Burke roimh araidí agus áiseanna breise a sholáthar taobh amuigh fud fad na tíre an deireadh seachtaine seo agus isteach sa samhradh.
Tá cistiú á sholáthar ag an Roinn Tithíochta, Rialtais Áitiúil agus Oidhreachta d’údaráis áitiúla chun tacú lena n-obair chun a spásanna taobh amuigh a choimeád glan, agus le cabhrú leo an bonneagar agus na háiseanna a sholáthar a theastaíonn lena chinntiú go mbaintear taitneamh sábháilte as ár spásanna poiblí. Áirítear leis seo leithris phoiblí bhreise i lár na gcathracha agus fud fad na tíre ag láithreacha eile cosúil le tránna. Tá níos mó araidí á soláthar ag údaráis áitiúla freisin i bpríomhlimistéir agus tá an mhinicíocht a dhéantar iad a fholmhú á méadú acu le tacaíocht ón lárchiste.
Dúirt an tAire Burke:
Tá ról ceannais ag ár n-údaráis áitiúla chun ár spásanna poiblí a bhainistiú agus tá siad ag oibriú go han-dian chun déileáil leis na dúshláin a chruthaíonn an díriú an samhradh seo ar shamhradh faoin spéir ar bhealach freagrúil agus cothrom.
Leanann siad, fud fad na tíre, le soláthar a dhéanamh do spásanna poiblí breise chun gur féidir bia a dháileadh lasmuigh. D’fhéadfadh páircíní breise a sholáthar lasmuigh d’áitreabh agus sráideanna a theorannú do choisithe a bheith i gceist leis seo. Déanann siad teagmháil rialta freisin le gnólachtaí áitiúla, an Garda Síochána agus páirtithe leasmhara áitiúla eile chun gach tacaíocht is féidir a sholáthar do shamhradh sábháilte faoin spéir ar féidir linn go léir taitneamh a bhaint as.”
Dúirt an tAire O’Brien:
“Luaigh an Rialtas go han-soiléir go ndíreofar an samhradh seo go tréan ar spásanna agus gníomhaíochtaí taobh amuigh, agus tá lúcháir orm gur féidir linn tacú lenár nÚdaráis Áitiúla fad a oibríonn siad lena chinntiú gur féidir le gach duine taitneamh a bhaint as ár spásanna poiblí ar bhealach sábháilte agus freagrach.
Is mian liom ómós a léiriú ar na foirne Údaráis Áitiúil a dhéanann na sráideanna a ghlanadh roinnt uaireanta gach lá agus spreagfainn daoine freagracht phearsanta a ghlacadh freisin – tá iompar aonair agus spreagfainn freagracht phearsanta ríthábhachtach, gan amhras, chun cabhrú linn go léir bheith sábháilte fad a bhainimid taitneamh as a bheith faoin spéir an samhradh seo.”
Crioch