Thomas Byrne
-
Ó: Roinn an Taoisigh; An Roinn Gnóthaí Eachtracha; An Roinn Cosanta
- Foilsithe: 2 Iúil 2020
- An t-eolas is déanaí: 6 Feabhra 2025
Tá Thomas Byrne ina Aire Stáit do Ghnóthaí Eorpacha agus Cosanta ag Roinn an Taoisigh, sa Roinn Gnóthaí Eachtracha agus Trádála, agus sa Roinn Cosanta.
D’fhóin an tAire Byrne mar Aire Stáit don Spórt agus don Chorpoideachas ó Nollaig 2022 go dtí Eanáir 2025. Bhí ról Aire Stáit na Gaeltachta aige ó Aibreán 2024 go dtí Eanáir 2025 freisin.
Déanann an tAire Byrne ionadaíocht ar thoghcheantar na Mí Thoir i nDáil Éireann agus tá sé ina chomhalta de Thithe an Oireachtais ó 2007 i leith.
Ó Iúil 2020 go Nollaig 2022, bhí sé ina Aire Stáit do Ghnóthaí Eorpacha ag Roinn an Taoisigh agus ag an Roinn Gnóthaí Eachtracha.
Fuair an tAire Byrne a chuid oideachais i Scoil Deoise Naomh Muire i nDroichead Átha. Rinne sé staidéar ar an dlí i gColáiste na Tríonóide, Baile Átha Cliath agus fuair sé oiliúint mar dhlíodóir ag McCann FitzGerald, áit ar chleacht sé ina Roinn Dlí san Aontas Eorpach agus sa Roinn Dlí Iomaíochta tar éis dó cáilíocht a fháil. Tá an tAire ina Ard-Aighne cáilithe i Stát Nua-Eabhrac.
Tá Tomás pósta ar Anna agus tá triúr clainne acu le chéile. Tá baint ghníomhach ag a theaghlach sa spórt go háitiúil. Is cainteoir líofa Gaeilge é agus tá an Fhraincis agus an Iodáilis aige.