An Taoiseach Simon Harris chun cuairt a thabhairt ar Dhoire
- Foilsithe: 16 Meán Fómhair 2024
- An t-eolas is déanaí: 12 Aibreán 2025
Tabharfaidh an Taoiseach Simon Harris T.D. cuairt ar Dhoire Dé Luain 16ú Meán Fómhair le haghaidh sraith chainteanna le ceannairí polaitiúla, sochaí sibhialta agus pobail. Is é seo a chéad chuairt ar Dhoire mar Thaoiseach dó.
Tabharfaidh an Taoiseach freisin Léacht Chathaoirleach faoi Shíocháin de chuid John Hume agus Thomas P. O’Neill in Ollscoil Uladh. Tabharfaidh sé cuairt ansin ar suíomh an fhoirgnimh nua teagaisc agus seirbhísí mac léinn atá á fhorbairt ar champas Ollscoil Uladh i nDoire trí mhaoiniú Oileán Comhroinnte.
Ag labhairt dó roimh an gcuairt, dúirt an Taoiseach:
“Tá mé ag súil le mo chéad chuairt oifigiúil ar Dhoire chun an comhoibriú Thuaidh-Theas atá an-dearfach sa réigiún Iarthuaiscirt a fheiceáil agus chun tacú leis, agus chun dul i gcaidreamh le príomhpháirtithe leasmhara ag súil le comhoibriú a neartú níos mó.
“Áiríonn mo chuairt cruinniú leis an Méara Seenoi Barr sa Guildhall, agus tabharfaidh sé deis chomh maith ceiliúradh a dhéanamh ar thionscadail leanúnacha a bhaineann leas as tacaíocht Rialtas na hÉireann, lena n-áirítear comhar brandála Bhealach an Atlantaigh Fhiáin/Slí Chlochán an Chósta.
“Is cúis onóir dom Léacht Chathaoirligh John Hume agus Thomas P. O’Neill 2024 a thabhairt i gcampas Ollscoil Uladh i nDoire agus tá fonn orm cuairt a thabhairt ar an suíomh ansin le haghaidh an ionad nua teagaisc agus seirbhíse mac léinn atá á thacú ó leithdháileadh ón gCiste Oileán Comhroinnte.”