Buaileann an Taoiseach le hArdmhéara nuathofa Bhaile Átha Cliath, an Comhairleoir Emma Blain
- Foilsithe: 13 Eanáir 2025
- An t-eolas is déanaí: 12 Aibreán 2025
Chuir an Taoiseach Simon Harris fáilte inniu roimh Ardmhéara nua Bhaile Átha Cliath, an Comhairleoir Emma Blain, chuig Tithe an Rialtais chun raon leathan ábhar a bhaineann lena ról nua a phlé.
Díríodh an díospóireacht ag an gcruinniú ar phríomhthosaíochtaí mar gheall ar Bhaile Átha Cliath lena n-áirítear Tuarascáil Thascfhórsa Bhaile Átha Cliath, a mhol roinnt moltaí chun lár na príomhchathrach a athnuachan ionas go mbeidh sé níos tarraingtí agus níos sábháilte, chun cónaí ann, chun oibriú ann agus chun cuairt a thabhairt ann. Thionóil Roinn an Taoisigh Gasra Idir-rannach chun moltaí Thascfhórsa Chathair Bhaile Átha Cliath a scrúdú agus chun treochlár ardleibhéil a ullmhú lena leagtar síos cén chaoi a gcuirfear na moltaí chun cinn.
Phléigh an Taoiseach agus an tArdmhéara chomh maith, an gá leanúnach atá ann le haghaidh infheistíocht i dtithíocht shóisialta agus ar phraghas réasúnta i limistéar Bhaile Átha Cliath.
Ag caint dó tar éis an chruinnithe, dúirt an Taoiseach:
“Thug cruinniú an lae inniu seans chun fáilte a chur roimh an Ardmhéara chuig an ról nua agus bhí díospóireacht fhiúntach eadrainn ar chuid de na príomhréimsí tosaíochta atá aici le haghaidh Bhaile Átha Cliath.”
“Is tuarascáil chriticiúil í Tuarascáil Thascfhórsa Chathair Bhaile Átha Cliath, a sheol mé ar ais i mí Dheireadh Fómhair, a theastaíonn acmhainní tiomnaithe chun a chinntiú go gcuirtear a moltaí ar fáil i slí atá éifeachtach. Tá mé ag súil le tuilleadh teagmhála leis an Ardmhéara mar gheall ar seo.”
CRÍOCH
Buaileann an Taoiseach Simon Harris le hArdmhéara nua Bhaile Átha Cliath, an Comhairleoir Emma Blain, i dTithe an Rialtais.
Grianghraf: Seirbhís um Fhaisnéis an Rialtais