Cuireann an Taoiseach Simon Harris fáilte roimh Uachtarán na Moldóive go hÉirinn

Cuirfidh an Taoiseach, Simon Harris, fáilte roimh Uachtarán na Moldóive, Maia Sandu, chuig Farmleigh inniu.

Beidh sé ar an gcéad chuairt ag Uachtarán Moldóvach ar Éirinn agus tagann sé roimh oscailt ambasáid na hÉireann sa tír iar-Shóivéadach chun ár naisc dhéthaobhacha a dhaingniú.

Geallfaidh an Taoiseach d’Uachtarán Sandu a thacaíocht agus tacaíocht leanúnach na hÉireann d’iarratas na Moldóive a bheith ina ballstát den Aontas Eorpach.

Molfaidh Simon Harris ceannaireacht an Uachtaráin ar an tír de 2.5 milliún duine in aghaidh ionsaí agus scanrú na Rúise.

Gabhfaidh sé buíochas leis an Uachtarán freisin as an ról a ghlac sé ag oscailt a teorainneacha dá comharsana Úcránach tar éis ionradh na Rúise agus as an ról consalachta fíor-thábhachtach a ghlac an Mholdóiv chun cabhair a thabhairt do shaoránaigh Éireannacha a bhí gafa sa choinbhleacht.

CRÍOCH.