Labhraíonn an Taoiseach le President Zelenskyy
- Foilsithe: 21 Feabhra 2025
- An t-eolas is déanaí: 24 Feabhra 2025
Labhair an Taoiseach Micheál Martin tráthnóna inniu (Dé hAoine) ar an bhfón leis an Uachtarán Volodymyr Zelenskyy, roimh chruinniú mullaigh an tseachtain seo chugainn a chomórann cothrom tríú bliain ó ionradh iomlán na Rúise isteach san Úcráin.
Ag labhairt dó tar éis an ghlao gutháin leis an Uachtarán Zelenskyy, dúirt an Taoiseach:
“Bhí caidreamh croíúil agam leis an Uachtarán Zelenskyy, agus d’athdhearbhaigh mé don athuair tacaíocht sheasmhach na hÉireann don Úcráin agus dá muintir.”
“Bhíomar ag plé conas is féidir linn, i gcomhar leis an AE, síocháin atá cóir, inbhuanaithe agus marthanach a chur chun cinn san Úcráin.”
“Thapaigh mé an deis mo thacaíocht a thairiscint do luathú bhallraíocht na hÚcráin san AE, agus tacaíocht airgeadais leanúnach na hÉireann don Úcráin a dhearbhú.”
“Táim ag súil le a bheith rannpáirteach ar líne le ceannairí eile le haghaidh an chruinnithe mhullaigh de chuid Uachtaráin Zelenskyy chun é seo a phlé níos mó an tseachtain seo chugainn.”