Ráiteas ón Taoiseach Leo Varadkar ar Kim Damti

“Mar náisiún, táimid ar fad faoi bhrón faoi Kim Damti. Maraíodh an bhean óg bhríomhar Éireannach-Iosraelach seo i mbarr a maitheasa, agus a saol ina duine fásta roimpi. Ní raibh ciall ná réasún lena bás, ná le bás breis is míle saoránach eile ó Iosrael agus ó áiteanna eile ar fud an domhain, agus bhásaigh siad go brúidiúil. Líon Kim croí a teaghlaigh agus gach duine timpeall uirthi le sonas agus áthas. Agus é faighte amach againn anois go bhfuil sí ar shlí na fírinne, táimid ag cuimhneamh uirthi, ar a muintir agus a teaghlach in Iosrael agus in Éirinn agus ar gach duine eile atá faoi bhrón in go leor náisiún eile.