Ráiteas ón Taoiseach, Micheál Martin, maidir le ceapachán an Phríomh-Aire, Liz Truss

Ba mhaith liom comhghairdeas a dhéanamh le Liz Truss faoina ceapachán inniu mar Phríomh-Aire na Ríochta Aontaithe.

Tá Éire agus an Ríocht Aontaithe nasctha le chéile leis an stair choiteann agus leis an dlúthcheangal atá acu le daoine, leis an ngeilleagar agus leis an gcultúr. Tá comhpháirtíocht láidir idir an dá Rialtas ríthábhachtach chun taca a chur faoi Chomhaontú Aoine an Chéasta agus chun tacú le síocháin agus rathúnas ar na hoileáin seo.

Tá súil agam go mbeidh muid in ann leas a bhaint as an tréimhse atá amach romhainn chun tús áite a thabhairt do rannpháirtíocht an Aontais Eorpaigh-na Ríochta Aontaithe, agus chun teacht ar thorthaí aontaithe maidir le saincheisteanna ar Phrótacal Thuaisceart Éireann a chur i bhfeidhm.

Tá mé tiomanta do chaidreamh láidir agus domhain idir na tíortha, agus chun bheith ag obair ar bhealach oscailte agus tairbheach leis an bPríomh-Aire Truss.

Tá mé ag súil le muid a bheith ag obair i ndlúthchomhar agus le bheith i dteagmháil le chéile go luath de réir mar a thugann muid aghaidh ar shaincheisteanna tábhachtacha ar na hoileáin sin agus ar bhonn domhanda.

CRÍOCH