Ráiteas ón Taoisigh Simon Harris ar bhás Jon Kenny

Is le buairt mhór a d’fhoghlaim mé faoi bhás an scríbhneora, an aisteora agus an fuirseora Jon Kenny.

Bhí cumas ag Jon, nach bhfuil ag mórán daoine, chun a lucht féachana a chur sna trithí gáire le sracfhéachaint nó le focal amháin.

Taobh thiar den chosúil go raibh tallann gan stró le magadh aige, bhí taibheoir cumasach agus smaointeoir thar a bheith domhain.

Duine suimiúil, machnamhach a bhí i Jon, bhí léirithe drámatúla sár-mhaith ar an ardán aige agus ar an scáileán agus tá an tír sna trithí gáire go fóill ag an draíocht a bhain le D’Unbelievables.

Bhí mé i Luimneach, áit dhúchais Jon, aréir nuair a tháinig scéala faoina bhás isteach agus d’fhéadfaí a rá gan aon áibhéil ar bith gur duine a bhí ann a raibh grá mór dó.

Mhol mé go pearsanta an slí ionraic machnamhach a labhair Jon faoi bhreoiteacht le hOliver Callan ar an raidió níos luaithe i mbliana. Cosúil le gach rud a rinne sé, bhí sé an-daonna agus an-dáiríre.

Dá chlann Jon, dá chairde agus dá chiorcal mór comhghleacaithe agus piaraí, déanaim comhbhrón ó chroí libh as bhur gcailliúint. Ar dheis Dé go raibh a anam dilís.