Ráiteas an Taoisigh Simon Harris

“Bhí mé i dteagmháil le Michel Barnier an tráthnóna seo chun é a threaslú as a cheapachán mar Phríomh-Aire na Fraince.

Tá aithne an-mhaith ag muintir na hÉireann ar Michel as a ról i gceannas ar an idirbheartaíocht don AE i rith Brexit. Eorpach tiomanta is ea é, cara mór d’Éirinn, agus is polaiteoir de shubstaint agus de thaithí é.

Guím gach rath air agus é ag dul i mbun a ról ag an uair thábhachtach seo agus tá mé ag súil le bheith ag obair leis, le hUachtarán Macron, agus le Rialtas na Fraince.”