Ráiteas an Taoisigh Micheál Martin faoin ionradh in aerspás na Polainne le dróin na Rúise

“Cáinim go láidir sárú críochtheoranna agus ceannasacht na Polainne ag an Rúis.”

“Ba ghníomh ráscánta gan réamhshampla é seo a chuireann i gcuimhne dúinn go géar an bhagairt a bhaineann leis an Rúis ar shlándáil na hEorpa.”

“Seasann Éire i ndlúthpháirtíocht go hiomlán leis an bPolainn agus lena ceart na céimeanna atá riachtanach a ghlacadh chun a críoch cheannasach a chosaint.”

“Mar a phléifidh an Rialtas inniu, léiríonn na himeachtaí seo an gá atá ann ár dtacaíocht don Úcráin a láidriú fad is a leanann sí ar aghaidh á cosaint féin i gcoinne chogadh ionsaitheach leanúnach na Rúise.”