Íocaíocht mhíosúil €140 is ea Sochar Linbh chun tacú le tuismitheoirí agus caomhnóirí. Íoctar é i leith gach linbh:
- atá ina c(h)ónaí leat de ghnáth agus a bhfuil tacaíocht iomlán á tabhairt agat dó/di
- tá sé/sí faoi bhun 16 bliana d’aois, nó faoi bhun 19 mbliana d’aois, má tá sé/sí in oideachas lánaimseartha, in oiliúint lánaimseartha nó má tá sé/sí faoi mhíchumas agus nach féidir leis/léi tacú leis/léi féin
Ní íoctar Sochar Linbh thar ceann leanaí atá 19 nó níos sine, fiú má fhanann siad san oideachas nó san oiliúint.
Fógraíodh na bearta thíos i mBuiséad 2024 maidir le Sochar Linbh
- íocaíocht dhúbailte an tSochair Linbh chun tacú le gach teaghlach a bhfuil leanaí acu le híoc ar an 5 Nollaig 2023
- Leathnófar Sochar Linbh chuig leanaí atá 18 mbliana d’aois agus atá in oideachas lánaimseartha ó mhí na Bealtaine 2024 ar aghaidh
Chun cáiliú le haghaidh Sochar Linbh, ní mór duit an Coinníoll Gnáthchónaithe a shásamh. Baineann sé seo le gach iarratasóir beag beann ar náisiúntacht.
Íoctar Sochar Linbh de ghnáth le máthair nó leasmháthair an linbh. Mura bhfuil an leanbh ina c(h)ónaí lena m(h)áthair nó lena leasmháthair, ach tá sé/sí ina c(h)ónaí lena (h)athair nó lena leasathair, is féidir go n-íoctar an Sochar Linbh leis/léi.
Mura bhfuil an leanbh ina c(h)ónaí lena t(h)uismitheoirí ná á c(h)othabháil ag a t(h)uismitheoirí, d’fhéadfadh an duine atá ag tabhairt aire don leanbh an Sochar Linbh a fháil.
| Líon Leanaí | Íocaíocht Mhíosúil Sochair Linbh |
| Leanbh amháin | €140 |
| Cúpla | €210 i leith gach linbh (1½ oiread an ráta singil do leanbh amháin) |
| Ilbhreitheanna Eile | €280 i leith gach linbh (dhá oiread an ráta le haghaidh leanbh amháin) |
Íoctar Sochar Linbh ar an gcéad Mháirt de gach mí. Is gnách go bhfaigheann tú do chéad íocaíocht an mhí tar éis bhreith do linbh.
- Má rugadh do leanbh in Éirinn agus mura bhfuil Sochar Linbh á éileamh agat cheana féin i leith aon leanaí eile, seolfaidh Rannóg an tSochair Linbh foirm éilimh chugat go huathoibríoch lena chomhlánú nuair a chláraíonn tú breith do linbh. Áirítear san fhoirm seo freisin faisnéis maidir le conas éileamh a dhéanamh i leith do linbh nua ar líne.
- Má tá Sochar Linbh á fháil agat cheana, cuirtear do leanbh úr le d'éileamh Sochair Linbh nuair a chláraíonn tú a b(h)reith agus cuirtear tús leis an íocaíocht go huathoibríoch ón mí tar éis a b(h)reithe.
- Murar rugadh do leanbh in Éirinn, nó mura bhfuil a b(h)reith cláraithe laistigh den tréimhse ama riachtanach (3 mhí), ní mór duit Foirm an tSochair Linbh (CB1) a chomhlánú agus í a sheoladh chuig Rannóg an tSochair Linbh.
- Ní mór foirm iarratais CB2 a chomhlánú freisin i leith gach leanbh atá 16,17 nó 18 mbliana d’aois.
Chun iarratas a dhéanamh ar Shochar Linbh trí MyWelfare.ie. Ní mór MyGovID fíoraithe a bheith agat chun an tseirbhís seo a úsáid agus caithfidh Uimhir Phearsanta Seirbhíse Poiblí (UPSP) a bheith agat freisin. Tabharfar uimhir PSP don leanbh freisin.
Tabhair faoi dheara nach féidir leat éileamh a dhéanamh ar líne ach amháin má thugann an Roinn cuireadh duit é amhlaidh a dhéanamh
Foirm Iarratais: Shochar Linbh (CB1)
Eagrán: Aibreán 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Foirm iarratais: Shochar Linbh i gcás linbh atá 16 nó 17 de bhlianta d’aois (CB2)
Eagrán: Márta 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Foirm iarratais: Athrú ar chúinsí a bhféadfadh tionchar a bheith acu ar d'éileamh ar Shochar Linbh (CB56)
Eagrán: Aibreán 2024
Íosluchtaigh nasc le haghaidh
Íoslódáil
féachaint ar an gcomhad
Amharc
An Rannóg Sochair Linbh
Seoladh:
An Rannóg Sochair Linbh, An Roinn Coimirce Sóisialaí, Bóthar Oilibhéir Pluincéad, Leitir Ceanainn, Contae Dhún na nGall, F92 T449.
Suíomh gréasáin:
Ríomhphost:
Uimhir theileafóin:
Déantar cur síos sna treoirlínte oibriúcháin ar na próisis agus na nósanna imeachta a leanann baill foirne na roinne iad agus iad i mbun a gcuid oibre.