Is íocaíocht é an Liúntas Breosla chun cabhrú le costas téimh do thí le linn an gheimhridh.
Is féidir leat é a fháil má tá tú 70 bliain d’aois nó níos sine, nó má tá íocaíochtaí fadtéarmacha leasa shóisialaigh á bhfáil agat. (Féach an liosta iomlán thíos).
Is é €33 an ráta reatha íocaíochta gach seachtain ó 23 Mheán Fómhair 2024 go dtí 4 Aibreán 2025.
Ní íoctar ach Liúntas Breosla amháin le gach teaghlach.
Cuireadh tús le séasúr an Liúntais Bhreosla an 23 Meán Fómhair 2024.
Is féidir leat cáiliú tú Liúntas Breosla má tá tú 70 nó níos sine. Ní gá duit a bheith ag fáil íocaíocht cháilitheach leasa shóisialaigh.
Chun cáiliú, ní mór duit:
- bheith 70 nó níos sine
- a bheith i do chónaí go dlíthiúil sa Stát
- tástáil acmhainne a chomhlíonadh
- a bheith i do c(h)ónaí i d'aonar nó le daoine cáilithe eile amháin
Má tá íocaíocht tástáilte ó thaobh acmhainne á fáil agat, mar shampla Liúntas Míchumais nó Pinsean Stáit (Neamhranníocach), ciallaíonn sé seo go bhfuil an tástáil acmhainne comhlíonta agat cheana féin.
Ní mór duit gach coinníoll eile a chomhlíonadh freisin, amhail na coinníollacha sin a bhaineann le comhdhéanamh do theaghlaigh chun cáiliú.
Má tá íocaíocht á fáil agat bunaithe ar do thaifead árachais shóisialaigh, mar shampla, Pinsean Stáit (Ranníocach) nó Pinsean Easláine, ní mór duit pas a fháil i tástáil acmhainne a chomhlíonadh agus gach coinníoll riachtanach eile le cáiliú a chomhlíonadh.
Is féidir cáiliú do Liúntas Breosla má tá siad seo a leanas á bhfáil agat:
- Bunliúntas Leasa Forlíontach (má tá tú cáilithe)
- Pinsean na nDall
- Pinsean um Shochar Báis faoin Scéim um Dhíobhálacha Ceirde
- Sochar nó Liúntas Banchéile Thréigthe
- Liúntas Míchumais
- Cúnamh Feirme
- Íocaíocht Caomhnóra (Ranníocach nó Neamhranníocach)
- Forlíonadh Éagumais faoin Scéim Pinsin um Míthreorach
- Pinsean Easláine
- Íocaíocht Idirthréimhseach Cuardaitheora Poist
- Liúntas Cuardaitheora Poist (má tá tú cáilithe)
- Íocaíocht Teaghlaigh Aontuismitheora
- Cúnamh Poist na gCoimisinéirí Ioncaim
- Íocaíocht Slándála Sóisialaí (a bhfuil íocaíocht choibhéiseach Éireannach ann) ó thír atá clúdaithe faoi Rialacháin AE, nó tír lena bhfuil Comhaontú Déthaobhach Leasa Shóisialaigh ag Éirinn
- Pinsean Stáit Ranníocach nó Neamhranníocach
- Pinsean Baintrí, Baintrí Fir nó Páirtnéara Shibhialta Mharthanaigh Ranníocach nó Neamhranníocach
D’fhéadfá cáiliú le haghaidh Liúntas Breosla má tá tú i do chónaí i d’aonair nó i do chónaí le:
- duine atá 70 bliain d'aois nó níos sine
- duine fásta cleithiúnach nó leanbh cleithiúnach
- duine atá ag fáil íocaíocht cháilitheach ach nach bhfuil ag fáil Liúntas Breosla (ní íoctar ach Liúntas Breosla amháin le gach teaghlach)
- duine atá ag fáil Liúntas Cúramóra nó Sochar Cúramóra agus atá ag tabhairt aire duit féin nó do dhuine fásta cleithiúnach nó do leanbh cleithiúnach
- duine a fhaigheann Liúntas Cuardaitheora Poist nó Bunliúntas Leasa Forlíontach, go gearrthéarmach,
- duine a fhaigheann Liúntas Cúramóra ar leathráta chomh maith le méadú i leith aosaigh chleithiúnaigh
Ó Eanáir 2023, ní áirítear Liúntas Cúramóra ar leathráta ná íocaíochtaí Sochar Míthreorach sa Liúntas Breosa atá tástáilte ó thaobh acmhainne de.
Má tá tú i do chónaí le duine atá 70 nó os a chionn, d’fhéadfadh sé a bheith níos fearr do theaghlach má dhéanann siad iarratas ar Liúntas Breosla.
Is é €33 an ráta seachtainiúil íocaíochta faoi láthair le linn shéasúr an Liúntais Bhreosla, rud a tharlaíonn de ghnáth ó dheireadh Mheán Fómhair go dtí Aibreán.
Is féidir le daoine a fhaigheann íocaíochtaí leasa shóisialaigh áirithe rogha a dhéanamh a Liúntas Breosla a fháil in dhá thráthchuid. Íoctar an chéad tráthchuid ag tús shéasúr an Liúntais Bhreosla agus íoctar an dara ceann i mí Eanáir.
Chun go n-íocfar do Liúntas Breosla in dhá thráthchuid, is féidir leat iarratas a dhéanamh tríd an bhFoirm Iarratais um Athrú ar Mhinicíocht Íocaíochta an Liúntais Bhreosla (FA CPF1) a chomhlánú.
Ba chóir duit an fhoirm chomhlánaithe a chur isteach mí amháin ar a laghad sula dtosaíonn séasúr an Liúntais Bhreosla. Má chuireann tú isteach í le linn an tséasúir, leanfar den íocaíocht a íoc go seachtainiúil go dtí go mbeidh an chéad tráthchuid eile dlite.
Tabhair faoi deara nach bhfuil an rogha tráthchoda ar fáil ar gach scéim.
Tá an fhoirm seo ar fáil chomh maith ó:
Cuir d’iarratas isteach roimh thús shéasúr an Liúntais Bhreosla (deireadh mhí Mheán Fómhair). Má chuireann tú iarratas isteach níos déanaí ná sin, ní féidir leis an Roinn do liúntas a shiardhátú.
Ní gá duit athiarratas a dhéanamh ar an Liúntas Breosla gach bliain fad is nach bhfuil athrú tagtha ar do chúinsí agus go leanann tú den íocaíocht leasa shóisialaigh chéanna a fháil.
Má thagann athrú ar do chúinsí ba chóir duit dul i dteagmháil leis an roinn chomh luath agus is féidir le cinntiú gur féidir leat an Liúntas Breosla a fháil fós.
Is é an bealach is tapúla agus is éasca le hiarratas a dhéanamh ná ar líne ag MyWelfare.ie.
Má tá Liúntas Cuardaitheora Poist fadtéarma (12 mhí), Íocaíochtaí Idirthréimhseacha Cuardaitheora Poist, Cúnamh Feirme nó Íocaíocht Teaghlaigh Aontuismitheora á fáil agat, ba chóir duit iarratas a dhéanamh chuig d’Ionad Intreo áitiúil nó Oifig Bhrainse Leasa Shóisialaigh áitiúil.
Má tá tú 70 bliain d’aois nó níos sine agus más mian leat iarratas a dhéanamh tríd an bpost, comhlánaigh an Fhoirm Iarratais ar Scéim an Liúntais Bhreosla (NFS2 — O/70) agus seol chuig:
Foirm iarratais le haghaidh Liúntas Breosla do dhaoine atá 70 bliain d’aois nó níos sine
2023.09.28
Íosluchtaigh nasc le haghaidh
Íoslódáil
féachaint ar an gcomhad
Amharc
An Rannóg Pacáiste Sochair Teaghlaigh (Liúntas Breosla)
Seoladh:
An Roinn Coimirce Sóisialaí, Bóthar an Choláiste, Sligeach, Contae Sligeach, F91 T384
Ríomhphost:
Uimhir theileafóin:
Má tá tú faoi bhun 70 bliain d’aois agus más mian leat iarratas a dhéanamh tríd an bpost, comhlánaigh an Fhoirm Iarratais ar Scéim an Liúntais Bhreosla (NFS1). Is féidir an fhoirm seo a fháil freisin ó d’oifig phoist áitiúil.
Foirm iarratais: Liúntas Breosla faoin Scéim Náisiúnta Breosla (NFS1)
2023.08.01
Íosluchtaigh nasc le haghaidh
Íoslódáil
féachaint ar an gcomhad
Amharc
Má tá iarratas á dhéanamh agat tríd an bhfoirm iarratais ar an Liúntas Breosla (NFS1) ar pháipéar, ba chóir duit an fhoirm chomhlánaithe a sheoladh chuig rannóg na roinne a bhfuil d’íocaíocht á fáil agat uaithi. Tá seoltaí na rannóige ábhartha liostaithe thíos.
Má fhaigheann tú:
- Sochar Báis
- Liúntas Míchumais
- Forlíonadh Éagumais
- Pinsean Easláine
Seol d’fhoirm iarratais chomhlánaithe ar an Liúntas Breosla agus na doiciméid tacaíochta chuig:
An Oifig Seirbhísí Leasa Shóisialaigh (An Longfort)
Seoladh:
An Roinn Coimirce Sóisialaí, Tithe an Rialtais, Bóthar Bhéal Átha na Lao, An Longfort
Uimhir theileafóin:
Má fhaigheann tú:
- Pinsean na nDall
- Sochar nó Liúntas Banchéile Thréigthe
- Íocaíocht Chaomhnóra (Ranníocach)
- Íocaíocht Chaomhnóra (Neamhranníocach)
- Íocaíocht Slándála Sóisialaí ó thír atá faoi Rialacháin an AE nó ó thír a bhfuil Comhaontú Déthaobhach Slándála Sóisialaí ag Éirinn léi.
- Pinsean Stáit (Ranníocach nó Neamhranníocach)
- Pinsean Baintrí, Baintrí Fir nó Páirtnéara Shibhialta Mharthanaigh (Ranníocach)
- Pinsean Baintrí, Baintrí Fir nó Páirtnéara Shibhialta Mharthanaigh (Neamhranníocach)
Seol d’fhoirm iarratais chomhlánaithe ar an Liúntas Breosla agus na doiciméid tacaíochta chuig:
Seirbhísí Leasa Shóisialaigh (Sligeach)
Seoladh:
An Roinn Coimirce Sóisialaí, Bóthar an Choláiste
, Sligeach
Uimhir theileafóin:
Má fhaigheann tú:
- Cúnamh Feirme
- Liúntas Fadtéarmach do Chuardaitheoirí Poist (12 mhí)
- Íocaíocht Teaghlaigh Aontuismitheora nó Íocaíocht Idirthréimseach do Chuardaitheoirí Poist
Seol d’fhoirm iarratais chomhlánaithe ar an Liúntas Breosla agus na doiciméid tacaíochta chuig d’Ionad Intreo áitiúil nó Oifig Bhrainse Leasa Shóisialaigh áitiúil.
Má tá Liúntas Leasa Forlíontach Fadtéarmach á fháil agat (12 mhí):
Seol d’fhoirm iarratais chomhlánaithe ar an Liúntas Breosla agus na doiciméid tacaíochta chuig ionadaí na Roinne ag d’Ionad Intreo áitiúil.
Déantar cur síos sna treoirlínte Oibríochta ar na próisis agus ar na nósanna imeachta a leanann baill foirne na roinne agus iad i mbun a gcuid oibre.