Seirbhís
Saoire Uchtaíoch do Bhaill Foirne Scoile
Foilsithe
An t-eolas is déanaí
Foilsithe
An t-eolas is déanaí
Deonaítear Saoire Uchtaíoch do mhúinteoirí agus do chúntóirí riachtanas speisialta ar uchtaitheoirí cáilitheacha iad. Tosaíonn an tsaoire ar an dáta a shuitear an leanbh leis an múinteoir uchtála/leis an gcúntóir riachtanas speisialta uchtála.
Cuimsíonn sí tréimhse 24 seachtaine as a chéile de shaoire reachtúil íoctha agus suas go dtí 16 seachtaine as a chéile ar a mhéad de shaoire reachtúil neamhíoctha bhreise.
Féadfaidh múinteoir iarratas a dhéanamh freisin ar Shaoire Uchtaíoch neamhreachtúil neamhíoctha bhreise go dtí deireadh na scoilbhliana, is é sin an 31 Lúnasa.
Chun tuilleadh faisnéise do mhúinteoirí a fháil, féach Ciorclán 0047/2023 dar teideal “An Scéim Saoire Uchtaíche do Mhúinteoirí Cláraithe atá fostaithe i mBunscoileanna agus Iar-bhunscoileanna Aitheanta”.
Chun tuilleadh faisnéise do chúntóirí riachtanas speisialta a fháil, féach Ciorclán 0048/2023 dar teideal “An Scéim Saoire Uchtaíche do Chúntóirí Riachtanas Speisialta atá fostaithe i mBunscoileanna agus Iar-bhunscoileanna Aitheanta”.
Ní mór do mhúinteoirí an Fhoirm Iarratais ar leathanach 17 de Chiorclán 0047/2023 a chomhlánú agus í a chur faoi bhráid a bhfostóra sé seachtaine ar a laghad roimh an dáta tosaithe beartaithe.
Ní mór do chúntóirí riachtanas speisialta an fhoirm iarratais ar leathanach 16 de Chiorclán 0048/2023 a chomhlánú agus í a sheoladh chuig a bhfostóir sé seachtaine ar a laghad sula dtógfaidh siad an tsaoire.
I gcás baill foirne seachas múinteoirí agus cúntóirí riachtanas speisialta i mBoird Oideachais agus Oiliúna, féach ciorclán [document 12819 ]