Seirbhís
Íocaíocht Teaghlaigh Aontuismitheora
Foilsithe
An t-eolas is déanaí
Is éard atá san Íocaíocht Teaghlaigh Aontuismitheora ná íocaíocht do thuismitheoirí atá faoi bhun 66 bliana d’aois nach bhfuil ina gcónaí le chéile, agus a bhfuil a leanbh is óige faoi bhun 7 mbliana d’aois.
Cuirfear deireadh le d’Íocaíocht Teaghlaigh Aontuismitheora nuair a shlánóidh an leanbh is óige 7 mbliana d’aois.
Tá eisceachtaí leis seo:
- Liúntas Cúraim Bhaile: féadfaidh d'Íocaíocht Teaghlaigh Aontuismitheora leanúint ar aghaidh go dtí go slánóidh an leanbh a bhfuil an Liúntas Cúraim Bhaile á fháil agat ina leith 16 mbliana d’aois nó go dtí go slánóidh an leanbh is óige agat 7 mbliana d’aois, cibé acu is déanaí
- Pinsean na nDall: féadfaidh d'Íocaíocht Teaghlaigh Aontuismitheora leanúint ar aghaidh go dtí go slánóidh an leanbh is óige agat 16 bliana d'aois
- Liúntas Cúramóra: féadfaidh d'Íocaíocht Teaghlaigh Aontuismitheora leanúint ar aghaidh go dtí go slánóidh do leanbh is óige 16 bliana d'aois nó go dtí go gcríochnóidh do Liúntas Cúramóra, cibé acu is túisce
- Méala le Déanaí: má tá do chéile nó do pháirtí sibhialta básaithe, féadfaidh tú éileamh a dhéanamh ar Íocaíocht Teaghlaigh Aontuismitheora ar feadh suas le dhá bhliain tar éis dháta an bháis nó go dtí go slánóidh an leanbh is óige agat 18 mbliana d'aois, cibé acu is túisce.
Chun cáiliú d'Íocaíocht Teaghlaigh Aontuismitheora, ní mór duit na coinníollacha seo a leanas a chomhlíonadh:
- a bheith faoi bhun 66 bliana d'aois
- a bheith i do thuismitheoir, leastuismitheoir, tuismitheoir uchtála nó caomhnóir dlíthiúil linbh ábhartha (ciallaíonn sé sin leanbh faoi bhun na haoisteorann ábhartha)
- a bheith i do phríomhchúramóir linbh ábhartha amháin ar a laghad. Ní mór cónaí a bheith ar an leanbh leatsa. Ní féidir leat Íocaíocht Teaghlaigh Aontuismitheora a fháil má tá comhchaomhnóireacht chothrom linbh nó leanaí agat le duine eile
- tástáil mhaoine a shásamh
- gan a bheith i do chónaí le céile, páirtí sibhialta nó ag comhchónaí le duine eile
Má tá tú idirscartha, colscartha nó má tá do pháirtnéireacht shibhialta díscaoilte, ní mór duit a bheith i do chónaí ar leithligh ar feadh trí mhí ar a laghad sula ndéanann tú iarratas ar Íocaíocht Teaghlaigh Aontuismitheora.
Is ionann ráta uasta na hÍocaíochta Teaghlaigh Aontuismitheora agus €232 sa tseachtain, móide an ráta i dtaca le leanbh/leanaí cáilithe ar bith.
I mbaintreachas nó i do pháirtí sibhialta marthanach
Má tá tú i mbaintreachas nó i do pháirtí sibhialta marthanach, ba chóir duit iarratas a dhéanamh laistigh de thrí mhí ó bhás do chéile nó ó bhás do pháirtí sibhialta.
Singil
Má tá tú singil, ba chóir duit iarratas a dhéanamh laistigh de thrí mhí ó bhreith do linbh.
Scartha, colscartha nó gan a bheith i bpáirtnéireacht shibhialta a thuilleadh
Má tá tú scartha, colscartha nó mura bhfuil tú i bpáirtnéireacht shibhialta a thuilleadh, ní mór duit a bheith i do chónaí ar leithligh ó do chéile nó ó do pháirtí sibhialta le trí mhí anuas. Ba chóir duit iarratas a dhéanamh laistigh de thrí go sé mhí ón dáta ar scar tú ó do chéile nó do pháirtí sibhialta.
Céile nó páirtí sibhialta príosúnaigh
Más céile nó páirtí sibhialta príosúnaigh tú, ba cheart duit iarratas a dhéanamh nuair atá do chéile nó do pháirtí sibhialta:
- faoi choinneáil le sé mhí ar a laghad gan aon phianbhreith a bheith curtha air nó uirthi
nó
- tar éis a p(h)ianbhreith a thosú, agus caithfidh tréimhse sé mhí ar a laghad a bheith i gceist leis an bpianbhreith sin
Chun iarratas a dhéanamh, comhlánaigh an fhoirm thíos agus seol ar ais í mar aon le doiciméid tacaíochta chuig d'Ionad Intreo nó d'Oifig Bhrainse Leasa Shóisialaigh áitiúil.
Foirm Iarratais: Íocaíocht Teaghlaigh Aontuismitheora (OFP1)
Eagrán: Meitheamh 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Foirm Iarratais: Leanbh Breise Íocaíocht Teaghlaigh Aontuismitheora (OFP38)
Eagrán: Meitheamh 2024
Íosluchtaigh nasc le haghaidh
Íoslódáil
féachaint ar an gcomhad
Amharc
Déantar cur síos sna treoirlínte oibríochtúla ar na próisis agus nósanna imeachta a gcloíonn comhaltaí foirne sa roinn leo nuair a bhíonn siad i mbun a gcuid oibre.